Lucas 12:18 - Porciones del Nuevo Testamento

¹⁸ Mawũãpe mawũãsia: Mʉã ya kꞌawuabʉrʉa kꞌãrẽ oira: Mʉrẽ ne kuabari nʉmeta teguekuape audre zhi zromata okuape mama wuagꞌaya jõma mʉrẽ ne zaudꞌata, jõma mʉã ne erubꞌʉta.

Lucas 12:18 Kruisverwysings

Mateo 6:26

Ibana ewaradꞌe wũãbꞌari bꞌeta akaudua, ne udꞌa ẽã, miã ne ewadꞌa ẽã, miã ne wuagꞌabari maẽ ne kuadꞌa ẽã. Maʉ̃ta marã Zeze ʉ̃trebemabara ne dedꞌeka bꞌʉa. ¿Marã audre vale duanu ẽka ibana bꞌe kꞌãñabara?

Lucas 12:17

Mawũẽ izhikusa krĩcha mawũãsia: ¿Mʉã kꞌãrẽta oipe? Mʉã sãma wuagꞌaira ne ẽã mʉrẽ ne zaudꞌara.

Lucas 12:19

Mobe mʉzhikusa mawũãña: Bʉra ne bio wuagꞌa erubꞌʉa año bioedꞌa, mawũẽ ẽnaʉ̃rũã, nekꞌorua, baniã dorua, sobiarua.

Lucas 12:21

Aramaʉ̃ kĩrãkꞌa bꞌʉa izhikusaita ne bio eababi bꞌʉta, aramaʉ̃nerã bara bꞌʉ ẽã Daizezeitara.

Lucas 12:24

Ibanata akaudua, ne udꞌa ẽã, miã ne ewadꞌa ẽã, miã ne wuagꞌabari maẽ ne kuadꞌa ẽã. Maʉ̃ta Daizezebara ne dedꞌeka bꞌʉa. ¿Marã audre vale duanu ẽka ibana bꞌe kꞌãñabara?

Lucas 18:4

Izhara aribꞌae krĩña ẽã bꞌʉta ewari bio basia, mawũãmina maʉ̃ tẽã izhikusa mawũãsia: Mʉãrã Daizezera wawi ẽmina, miã zhãrã wawi ẽmina,

Lucas 18:6

Maʉ̃ta jarape Nokꞌo Jesúsbara mawũãsia: Ũrĩũdua nokꞌo bia ẽãbara kꞌasia adꞌata.