Lucas 11:9 - Porciones del Nuevo Testamento

⁹ Mawũẽ mʉã marãã jaraya: Aramaʉ̃ kĩrãkꞌa Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Lucas 11:9 Kruisverwysings

Mateo 21:22

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Mateo 21:31

¿Ũmebara sãʉ̃ba osi zhi zezeba krĩñarã? Mawũãĩ ãzhara mawũãsidꞌa: Osia nabemaba. Mawũãnaĩ Jesúsbara mawũãsia: Mʉã wãrĩnu marãã jaraya, rey Romanebemaĩta plata widꞌibadata, wũẽrãrã jõmaʉ̃ne bꞌeta marã kꞌãñabara wãnaña Daizezeta Nokꞌota bꞌʉma.

Mateo 6:29

Mʉã marãã jaraya, rey Salomón kĩrãwãrẽã zho bꞌasimina kĩrãwãrẽã zho bꞌa ẽbasia nepono abꞌaʉdꞌebema kĩrãkꞌabidꞌa.

Marcos 11:24

Maʉ̃ba mʉã marãã jaraya, jõma marãba widꞌibʉdara zhiwidꞌi soidꞌu kꞌobꞌeaudua jidadꞌaita, mawũãrã marãma zeya.

Marcos 13:37

Mʉã marãã jaraira jõmaʉ̃ã jaraya: Dauba bꞌeaudua.

Lucas 11:10

Daizezea ne widꞌi bꞌʉbara jidaya. Ne widꞌi bꞌʉba jʉrʉ bꞌʉbara ũduya. Ne widꞌi bꞌʉba trʉ̃ bꞌʉaara diaita puerta ewaya.

Juan 14:13

Jõma kꞌãrẽ mʉ Zezea widꞌibʉdata mʉneba widꞌibʉdara mʉã aribꞌaeya, aramaʉ̃ne mʉ Zezeta zhi zromata ũdukꞌawadꞌamarẽã mʉ zhi Warradꞌeba.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 15:7

Mʉ ũme bꞌebʉrʉ, mʉ bedꞌeata aribꞌae bꞌebʉrʉ widꞌiudua jõma mazha krĩñata, mʉã marãã diaya.

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.