Lucas 11:4 - Porciones del Nuevo Testamento

⁴ Daiba kꞌazhiruata odꞌadꞌebara daira bedꞌea ne ẽã duanebirua, daibidꞌa bedꞌea ne ẽãne edabada dai bĩ ẽã obʉdata jõma. Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara.

Lucas 11:4 Kruisverwysings

Mateo 18:35

Mʉ Zeze ʉ̃tre bꞌʉbara marãta aramaʉ̃ kĩrãkꞌa oya, marã abꞌa abꞌaʉba soidꞌu bedꞌea ne ẽãne edadꞌa ẽbʉrʉ marã mebẽrã marã bĩ ẽã obʉdata.

Mateo 26:41

Ʉ̃rʉ̃ma kꞌopanadua, zhiwidꞌiudua wãẽãna ẽbaita. Marãbara wãrãne biata okrĩña bꞌea, mawũãmina kꞌakuabara bꞌe ẽã nʉmʉã.

Lucas 11:5

Dewara mawũãsia: ¿Marãnebemaba izhi ũme zhibiata erubꞌʉdꞌera ewari ẽsadra izhima wãpe mawũãĩ ẽka: Bʉra mʉ ũme zhibiata bꞌʉa mʉãã prestadua pan ũbea ai ẽka?

Lucas 13:4

Jari dieciochota Siloédꞌe de drasoa nʉmanata ʉ̃rʉ̃ bꞌaebʉrʉba beakuadꞌara, ¿marãbara krĩcha duanuka maʉ̃rãtrʉ audre bedꞌea bara bꞌeasita zhãrã bꞌe kꞌãñabara Jerusalénne?

Lucas 22:46

Mawũẽ mawũãsia: ¿Kꞌãrẽã kꞌãĩgue nʉmʉ? Pirabꞌariudua, zhiwidꞌiudua wãẽãna ẽbaita.

Lucas 8:13

Ne ta pobʉrʉdꞌe mongꞌaradꞌe bꞌaedꞌara Daizeze bedꞌeata ũrĩbʉdadꞌera sobia ũrĩbadata maʉ̃ã. Mawũãmina bia kꞌarra jidadꞌa ẽã, mawũẽ ĩjã bꞌeta dããrã ẽãne zuburiabʉdadꞌera ĩjã ẽã kenabꞌaribada.

Juan 17:15

Mʉãrã widꞌi ẽã bʉa naʉ̃ ẽjũãneba ãĩ jʉre edemarẽã, awuarabʉrʉ widꞌi bꞌʉa kꞌarebamarẽã ãtõmiã bia ẽã juwuadꞌeba.