Lucas 11:39 - Porciones del Nuevo Testamento

³⁹ Maʉ̃ne Jesúsbara mawũãsia: Marã fariseorãta bꞌera vasota, epedꞌekꞌota, ʉ̃rʉ̃bʉrʉ zhi sʉgʉma kĩrãkꞌa bꞌea, mawũãmina marã edꞌara bia ẽãba bira bꞌea, nezrʉga bia ẽãta obꞌeba.

Lucas 11:39 Kruisverwysings

Mateo 15:19

Sodꞌebara ze bꞌʉa krĩchata bia ẽãta, miã beaita, kĩma ẽãta erukꞌãĩta, nezrʉgaita, sewa nebʉrʉita, zhãrã ikꞌazhirua jaraita.

Mateo 7:15

Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea.

Lucas 16:15

Mawũẽ Jesúsbara mawũãsia: Zhãrã kĩrãbitara marã biarã kĩrãkꞌa bꞌea, mawũãmina Daizezebara ũdukꞌawua bꞌʉa marã sora. Zhãrãba kꞌãbãẽã ne biadꞌe erubꞌera Daizezebara krĩña ẽã.

Lucas 7:13

Nokꞌo Jesúsba ũdui sozuburiape mawũãsia: Jẽgarãrũã.

Lucas 7:19

Mobe Jesúsma zokꞌakuasia widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?

Juan 12:6

Judabara mawũã ẽbasia zuburia bꞌeta krĩcha bꞌʉba, awuarabʉrʉ mawũãsia nezrʉgamiãta bꞌʉ baera. Zũbita izha erubꞌʉba zrʉga bꞌasia ãzhi jõmaʉ̃ĩta plata edꞌa kenabꞌari panʉnebemata.

Juan 13:2

Dauja zhiko kꞌobʉdadꞌera ãtõmiãbara Simón warra Juda Iscariotera sodꞌera ya krĩchabisia Jesús chãbꞌaribiita.

Hechos 5:3

Maʉ̃ne Pedrobara mawũãsia: Ananía, ¿kꞌãrẽã kꞌãwũã ãtõmiã idaribibʉrʉ bʉ sora, Jawurebiaa sewa nebʉrʉmarẽã platara kꞌãwũã ãĩ edabisi ẽka drua nendodꞌadꞌebemata?