Lucas 11:29 - Porciones del Nuevo Testamento

²⁹ Kꞌabana bʉredrʉ bʉsidꞌe Jesúsbara mawũãsia: Zhãrã idꞌi ewadebema bia ẽãta bꞌea. Mʉta Daizezedꞌeba nʉmʉbʉrʉ ũdudꞌakꞌata ũdubimarẽã jara bꞌea. Mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Jonás berabꞌaridꞌa kĩrãkꞌabʉrʉ.

Lucas 11:29 Kruisverwysings

Mateo 3:7

Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Marcos 8:38

Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Lucas 11:16

Ʉ̃kʉrʉbara wãẽãbidꞌaita ũdudꞌakꞌata ũdubimarẽã jarasidꞌa Daizezedꞌeba nʉmʉbʉrʉ.

Lucas 11:50

Idꞌi ewade bꞌera Daizezebara kꞌawua oya izha bedꞌeata jarabibarirã bebu jõmaʉ̃ kꞌarea, bea uda ẽjũã osidꞌadꞌeba ʉ̃taa.

Lucas 12:1

Maʉ̃ne kꞌabana bʉredrʉ bʉsiba ãzhirãĩnu zhiya biradiga kꞌobꞌedꞌe Jesúsbara izha jʉrʉkuadꞌaa naara mawũãsia: Kĩrãkuita bꞌeaudua ne oreguea fariseorãne kꞌarea, ãzhi sewa bibaʉta bꞌeta maʉ̃ã.

Lucas 9:41

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe, mʉãrã sõmbeedꞌa zrogꞌa nʉmaĩpe? Naĩnu wedua bʉzhi warra.

Juan 2:18

Maʉ̃nerã judíorãba mawũãsidꞌa: ¿Sãwũãta daia kꞌawuabirua Daizezeba kꞌãwũã obi nʉmʉbʉrʉ?

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.