Lucas 11:2 - Porciones del Nuevo Testamento

² Mawũãĩ Jesúsbara mawũãsia: Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa. Dai Nokꞌota nʉmadua. Bʉa krĩñata odꞌaidꞌe bꞌʉa ʉ̃tre obꞌe kĩrãkꞌa, mawũã odꞌaidꞌe bꞌʉa druadꞌebidꞌa.

Lucas 11:2 Kruisverwysings

Mateo 10:32

Bariduba zhãrã kĩrãbita mʉ pẽwã bꞌʉa ara, mʉãbidꞌa mʉ pẽwã bꞌʉa aya mʉ Zeze ʉ̃tre bꞌʉ kĩrãbita.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 5:16

Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.

Lucas 11:1

Ewari abꞌa Jesús zhiwidꞌi nʉmape zhiwidꞌi berabꞌaribʉrʉdꞌera izha jʉrʉkuadꞌaba abꞌaʉba mawũãsia: Nokꞌó, daia jaradedꞌekarua zhiwidꞌiita, Juanba jaradedꞌekadꞌa kĩrãkꞌa izha jʉrʉkuadꞌaa.

Romanos 1:7

Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 8:15

Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.