Lucas 10:42 - Porciones del Nuevo Testamento

⁴² Mawũãmina Daizeze bedꞌeata ũrĩnaĩ barata bꞌʉa. Maríabara maʉ̃ta biata jidabʉrʉa, mawũẽ miõba ãĩ tʉdꞌa ẽã.

Lucas 10:42 Kruisverwysings

Marcos 8:36

¿Zhãrãĩtara kꞌãrẽ biata bꞌaipe ẽjũãne nʉmʉta jõma izhidꞌeta nʉmʉbʉrʉdꞌe izhi jawureta aduara?

Lucas 10:39

Martara mebea bara bꞌasia María abadata. Maʉ̃ Maríara Jesús jẽrũ kꞌaita jewedꞌa bꞌepe ũrĩ bꞌesia izhi bedꞌeata.

Lucas 11:1

Ewari abꞌa Jesús zhiwidꞌi nʉmape zhiwidꞌi berabꞌaribʉrʉdꞌera izha jʉrʉkuadꞌaba abꞌaʉba mawũãsia: Nokꞌó, daia jaradedꞌekarua zhiwidꞌiita, Juanba jaradedꞌekadꞌa kĩrãkꞌa izha jʉrʉkuadꞌaa.

Lucas 12:20

Maʉ̃ne Daizezebara mawũãsia: Bʉra krĩcha ne ẽã, bʉra naʉ̃ diamase beuya. Mawũẽ bʉa wuagꞌabʉrʉra ¿kꞌaidꞌe baipe?

Lucas 12:33

Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.

Lucas 16:2

Mawũẽ trʉ̃pe mawũãsia: ¿Bʉdꞌebemata mʉã ũrĩbʉrʉra kꞌãrẽpe? Mʉãã jaradua bʉa ne akʉ nʉmʉnebemata, bʉra wueta ne akʉbarita bꞌa ẽã.

Lucas 16:25

Mawũãĩ Abrahambara mawũãsia: Warra, bʉra bia bꞌadꞌata bude barua, maʉ̃ne Lázaro zuburia bꞌasia. Mawũãmina idꞌira naʉ̃ nama sobia bꞌʉa, maʉ̃ne bʉra zuburia bꞌidꞌa.

Lucas 18:22

Maʉ̃ta ũrĩĩ Jesúsbara mawũãsia: Bʉara wadꞌi ne abꞌa aribꞌaeita wãẽã bꞌʉa. Bʉa ne erubꞌʉta jõma nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Lucas 8:18

Mʉã jara bꞌʉta kĩrãkuita ũrĩũdua, zhi bude erubꞌʉaara audre kꞌawuabiya, mawũãmina zhi bude erubꞌʉ ẽãrã wĩka erubꞌʉta krĩcha bꞌʉsidꞌa jãrĩña.

Juan 11:1

Lázaro abadata kꞌaya nʉmʉta Betania pʉwʉrʉdꞌebema basia, zhi nawekꞌaurãsidꞌa Maríata, Marta ũme maʉ̃ pʉwʉrʉdꞌebema basia.

Juan 11:19

Judíorã bio zesidꞌa Martama, Maríama, aramaʉ̃ne kꞌopayadꞌaita ãzhi mebeata beusi baera.

Juan 12:3

Maríabara kera nardo izhiawa kiruta botelladꞌe nʉmʉta ne ʉ̃tʉta jiraedape weasia Jesús jẽrũne, mobe izhi budꞌaba põãsã jaresia, aramaʉ̃ne dera jõma tũã nʉmesia keraba.

Juan 17:3

Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.