Lucas 10:22 - Porciones del Nuevo Testamento

²² Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Lucas 10:22 Kruisverwysings

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 28:18

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 10:15

Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.

Juan 13:3

Jesúsbara kꞌawua bꞌasia zhi Zezebara ne jõma izhaa chãbꞌaridꞌata, kꞌawua bꞌasia izhira Daizeze maẽba zedꞌadꞌeba Daizezema wãĩta.

Juan 17:10

Mʉrẽta bꞌera bʉrea, bʉreta bꞌera mʉrẽã. Aramaʉ̃ne mʉrã zhi zromata dajada nʉmʉã ãzhidꞌeba.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Juan 3:35

Zhi Zezebara zhi Warra kʉãgꞌa, mawũẽ ne jõma chãbꞌarisia izhi juwuadꞌe.