Lucas 10:16 - Porciones del Nuevo Testamento

¹⁶ Marã mʉnebemata bꞌe bedꞌeata ũrĩnarã mʉ bedꞌeata ũrĩnaña, marãta seribidꞌa ẽbʉrʉ mʉta seribidꞌa ẽã, mʉta seribidꞌa ẽãrã mʉ zokꞌadꞌata seribidꞌa ẽã.

Lucas 10:16 Kruisverwysings

Mateo 10:40

Iabꞌaʉba marãta bia edabʉrʉra mʉta bia edabʉrʉa, mʉta bia edabʉrʉra bia edabʉrʉa mʉ zokꞌadꞌata.

Mateo 18:5

Mʉnebemata ĩjã bꞌʉdꞌeba bariduba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa.

Marcos 9:37

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Juan 12:44

Jesúsbara nemi jĩgua mawũãsia: Mʉnebemata ĩjã bꞌʉra bari mʉnebemata ĩjã bꞌʉ ẽã, awuarabʉrʉ ĩjã bꞌʉa mʉ zokꞌadꞌadꞌebemata.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Juan 13:20

Mʉã wãrĩnu marãã jaraya: Mʉã zokꞌabʉrʉta bia edabʉrʉra mʉta bia edabʉrʉa, mʉ Zeze mʉ zokꞌadꞌata bia edabʉrʉa.

Hechos 5:4

¿Erubꞌʉdꞌera kꞌãʉ̃ druara bʉre ẽbasika? ¿Nendobʉrʉdꞌera platara bʉre ẽbasika? ¿Kꞌãwũã oira kꞌãrẽã kꞌobꞌʉsi bʉ sodꞌera? Bʉra beubaria sewa nebʉrʉtabe ẽã, awuarabʉrʉ sewa nebʉrʉa Daizezea.