Lucas 10:11 - Porciones del Nuevo Testamento

¹¹ Egoro jarra marã pʉwʉrʉdꞌebema dai jẽrũma kꞌaradꞌara daibara niãwedꞌaya marã Daizezeba pua kꞌawua oidꞌebemata. Mawũãmina kꞌawuaudua, Daizezeta Nokꞌodꞌebema marã kꞌaita basia.

Lucas 10:11 Kruisverwysings

Mateo 10:14

Iabꞌaʉba marãta bia eda ẽbʉrʉ, miã marã bedꞌeata ũrĩ ẽbʉrʉ, maʉ̃ dedꞌaubara o maʉ̃ pʉwʉrʉdꞌebara ãĩ wãũdua, egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Mateo 10:7

Jarakꞌa wãbʉdata mawũãũdua: Daizezeta Nokꞌodꞌebema kꞌaita basia.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 6:11

Baridu maẽ marãta bia edadꞌa ẽbʉrʉ, miã marã bedꞌeata ũrĩna ẽbʉrʉ, mamaʉ̃bara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita. Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Lucas 10:10

Mawũãmina baridu pʉwʉrʉdꞌe edꞌa wãbʉdadꞌe marãta bia edadꞌa ẽbʉrʉ oidꞌu wãnape mawũãũdua:

Lucas 10:9

Kꞌayata mama bꞌera bꞌebiudua, mobe mawũãũdua: Marã kꞌaita basia Daizezeta Nokꞌodꞌebemata.

Lucas 9:5

Baridu maẽ marãta bia edadꞌa ẽbʉrʉ maʉ̃ pʉwʉrʉdꞌebara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Hechos 13:40

Mawũẽ kĩrãkuitaudua marã ʉ̃rʉ̃ ze ẽbamarẽã Daizezeba bedꞌeata jarabibarirãba mawũãnapeadꞌata:

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Hechos 13:51

Mawũẽ ãzhi Daizezeba pua kꞌawua oidꞌebemata maʉ̃rãbara egoro jarra ãzhi jẽrũnebema niãwesidꞌa, mobe zesidꞌa Iconio pʉwʉrʉedꞌa.

Romanos 10:21

Mawũãmina Israel bꞌedꞌebema Daizezebara Isaíadꞌeba mawũãsia: Mʉãrã ewariza kꞌareba krĩñasia bedꞌea aribꞌae ẽã bꞌeta, bedꞌea ũrĩ ẽã bꞌeta. (Isaías 65:2)

Romanos 10:8

¿Mawũãĩ kꞌãñabara Daizezebara kꞌãrẽta jara bꞌʉ? Mawũã bꞌʉa: Bedꞌeata Cristodꞌebema bʉara borekea ĩjã bꞌeya, bʉara bʉ iba jaraidꞌe bꞌʉa, sodꞌeba ĩjãĩne bꞌʉa. Daibara maʉ̃ bedꞌeata ĩjãĩnebemata jara panʉã.