Juan 9:17 - Porciones del Nuevo Testamento

¹⁷ Mawũẽ daʉbꞌerrea bꞌadꞌaa wakusa mawũãsidꞌa: ¿Bʉara kꞌasia aipe bʉ daʉbꞌerrea bꞌʉta ne ũdubidꞌadꞌebema? Mawũãnaĩ izhara mawũãsia: Mʉma kꞌãʉ̃ Daizezeba bedꞌeata jarabibaria.

Juan 9:17 Kruisverwysings

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Juan 4:19

Mawũãĩ wũẽrãbara mawũãsia: Nokꞌó, mʉma bʉra Daizezeba bedꞌeata jarabibaria.

Juan 6:14

Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 9:15

Mawũẽ fariseorãbidꞌa widꞌisidꞌa sãwũã ne ũdu bꞌidꞌata. Mawũẽ izhara mawũãsia: Egorota idꞌoba susua ope mʉ dabʉta pãrĩkua kꞌobꞌʉsia, maʉ̃ta mʉã sʉgʉbʉrʉdꞌera mʉrã ne ũdusia.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.