Juan 8:55 - Porciones del Nuevo Testamento

⁵⁵ Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.

Juan 8:55 Kruisverwysings

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Lucas 10:22

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 10:15

Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.

Juan 15:10

Mʉã jara bꞌʉta aribꞌae bꞌebʉrʉ mʉã kʉãgꞌata bꞌeaya, aramaʉ̃ kĩrãkꞌa mʉãrã mʉ Zezeba jara bꞌʉta jõma aribꞌae bꞌʉa, mawũẽ mʉrã izha kʉãgꞌa.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Juan 16:3

Maʉ̃ta odꞌaya ũdukꞌawadꞌa ẽãba mʉ Zezeta miã mʉta.

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 6:46

Mʉã maʉ̃ta jarabʉrʉ ẽã iabꞌaʉba mʉ Zezeta ũdudꞌaba, awuarabʉrʉ mʉta Daizeze maẽba zedꞌabʉrʉ mʉãbʉrʉ ũdubaria mʉ Zezera.

Juan 8:19

Mawũãĩ ãzhara mawũãsidꞌa: ¿Sãma bꞌʉ bʉ Zezera? Mawũãnaĩ Jesúsbara panaʉ̃ mawũãsia: Marãbara mʉrã ũdukꞌawua duanu ẽã, miã mʉ Zezesidꞌa ũdukꞌawua duanu ẽã, mʉta ũdukꞌawua bꞌebʉrʉ mʉ Zezesidꞌa ũdukꞌawua bꞌea.

Juan 8:29

Mʉ zokꞌadꞌara mʉ ũme bꞌʉa, aramaʉ̃ne mʉ Zezebara mʉrã dobꞌa kenabꞌari ẽã, mʉãrã ewariza obꞌʉba izha krĩñata.

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Juan 8:52

Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Hechos 17:23

Ne zhi zromarãne erubꞌeta akʉkua bʉsidꞌe mʉã ũdusia mongꞌara oma nʉmʉta, maʉ̃ma bedꞌeata bꞌʉ nʉmʉta mawũã bꞌasia: DAIZEZE ŨDUDꞌAKꞌAITABEMA. Ũdudꞌakꞌata marãba mawũã zhi zromane erubꞌeta mʉãrã maʉ̃ta marãã jara bꞌʉa.