Juan 8:54 - Porciones del Nuevo Testamento

⁵⁴ Mawũãnaĩ Jesúsbara panaʉ̃ mawũãsia: Mʉta mʉzhikusa bia jara nʉmaĩbʉrʉ, mawũã mʉzhita bia jara nʉmʉrã kꞌãrẽ ẽã. Mawũãmina mʉrã mʉ Zezeba bia jara bꞌʉa, izhira marãbara Daizezea abꞌea.

Juan 8:54 Kruisverwysings

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 5:41

Mʉãrã zhãrãba mʉta bia jaradꞌamarẽã nʉmʉ ẽã.

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Juan 8:41

Marãbara obꞌea mazhi zezeba obꞌʉta. Mawũãĩ mawũãsidꞌa: Daira wũẽrã jõmaĩnu bꞌʉba todꞌata duanu ẽã. Daibara zeze abꞌa erubꞌea, izhira Daizezea.

Juan 8:50

Mʉãrã mʉta bia jaradꞌamarẽã bꞌʉ ẽã, mʉ Zezebʉrʉ mʉrã bia jaradꞌamarẽã bꞌʉa, mawũã bia jaradꞌa ẽbʉrʉ izhabʉrʉ kꞌawua oya.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.