Juan 8:52 - Porciones del Nuevo Testamento

⁵² Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Juan 8:52 Kruisverwysings

Mateo 11:18

Aramaʉ̃ kĩrãkꞌa bꞌeta Juan zedꞌara nekꞌo ẽã vino do ẽã bꞌʉ baera jaita erubꞌʉa abꞌea.

Juan 1:19

Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?

Juan 14:23

Mawũãĩ Jesúsbara panaʉ̃ mawũãsia: Mʉta kʉãgꞌa bꞌʉbara mʉ bedꞌeata aribꞌaeya, mobedꞌeba mʉ Zezebara kʉãgꞌa baya, aramaʉ̃ne daira izhima zedꞌape izhi bawara panaña.

Juan 15:20

Bedꞌeata bude baudua mʉã marãã mawũãnata: Nezokꞌara audre zhi zroma ẽã izhi nokꞌo kꞌãñabara. Mʉ zuburia oita pẽwã bꞌedꞌebara, marãsidꞌa zuburia oita pẽwãnaña. Mʉ bedꞌeata aribꞌae bꞌedꞌebara, marã bedꞌeasidꞌa aribꞌaedꞌaya.

Juan 17:6

Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 7:20

Mawũãĩ kꞌabanabara panaʉ̃ mawũãsidꞌa: Bʉra jaiba mawũã krĩchabi bꞌʉa, ¿bʉra kꞌaiba bea krĩña nʉmʉ?

Juan 8:22

Mawũãĩ judíorãbara mawũãsidꞌa: ¿Mobera izhikusa zhi beaika, sãwũã mawũã mʉ wãĩma marã wã bꞌedꞌa ẽã abʉrʉ?

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Juan 8:55

Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.

Juan 9:24

Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.