Juan 8:15 - Porciones del Nuevo Testamento

¹⁵ Marãbara mʉrã jara bꞌea beubarita bedꞌea bꞌedꞌe, mawũãmina mʉã zhãrã mawũãrã jara ẽã.

Juan 8:15 Kruisverwysings

Lucas 12:14

Mawũãĩ Jesúsbara mawũãsia: ¿Mʉrã kꞌaiba marã ʉ̃rʉ̃ bꞌʉsidꞌa mawũã bedꞌea marãnebemata araa oira o ne draira?

Juan 12:47

Mʉ bedꞌeata ũrĩpe aribꞌae ẽãrã mʉãrã kꞌawua o ẽã, mʉrã zhãrã kꞌawua oita ze ẽbasi baera naʉ̃ ẽjũãẽna, awuarabʉrʉ mʉrã zesia zhãrã ẽdrʉbigaita ẽjũãne bꞌeta.

Juan 18:36

Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 7:24

Zhãrãba kꞌãrẽ obʉrʉta ũdudꞌape bĩ ẽã bedꞌearãũdua, awuarabʉrʉ kꞌãrẽ obʉrʉta bigara kĩrãẽpa biga audua.

Juan 8:11

Mawũãĩ wũẽrãbara mawũãsia: Nokꞌó, mʉrã miõba bea ẽã. Mobebʉrʉ Jesúsbara mawũãsia: Bʉra miã mʉãbidꞌa bea ẽã, mawũẽ wãrũã, mobe wueta kꞌazhiruata orãrũã.

Romanos 2:1

Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.