Juan 7:6 - Porciones del Nuevo Testamento

⁶ Mawũãnaĩ Jesúsbara mawũãsia: Mʉrã wadꞌi wãĩne bꞌʉ ẽã, mawũãmina marã baridu ʉ̃madaudꞌe wã bꞌeya.

Juan 7:6 Kruisverwysings

Mateo 26:18

Mawũãnaĩ izhara mawũãsia: Pʉwʉrʉedꞌa wãũdua ũmakĩrã mʉ ũdukꞌawuama, mobe mawũãũdua: Miã Ũrãgꞌabariba mawũãsia: Mʉ bebura kꞌaita basia, mawũẽ fiesta zhikota mʉãrã bʉ dedꞌa oya mʉã jʉrʉkuadꞌa bawarauba.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 2:4

Mawũãĩ Jesúsbara mawũãsia: ¿Papa, dazhira maʉ̃ne nʉmʉ ẽãta bʉara kꞌãrẽã maʉ̃ta mʉãã jarabʉrʉ? Mʉã kꞌãrẽ oira wadꞌi araba ẽã.

Juan 7:30

Mawũãbʉrʉ kꞌarea Jesús jida krĩñasidꞌa, mawũãmina miõba jida ẽbasia wadꞌi araba ẽãba izhi ewarita.

Juan 7:8

Marã wãrĩzeudua fiestaidꞌu, mʉrã wadꞌi wãrĩze ẽã maʉ̃ fiestaidꞌura, mʉ wãĩ ewarira wadꞌi araba ẽã.

Juan 8:20

Jesúsbara maʉ̃ bedꞌeata jarasia ofrenda bꞌʉbada maẽ Daizeze dedꞌa ewara maẽ miã ũrãgꞌa nʉmʉba. Maʉ̃nerã miõba jidadꞌa ẽbasia wadꞌi araba ẽãba izhi ewarita.

Hechos 1:7

Mawũãnaĩ Jesúsbara mawũãsia: Ewarira marãba kꞌawuadꞌai barata nʉmʉ ẽã mʉ Zezeba kꞌãrẽ oita nʉmʉkꞌãrĩrã.