Juan 7:33 - Porciones del Nuevo Testamento

³³ Mawũẽ Jesúsbara mawũãsia: Mʉrã wadꞌi ewari kꞌakutua marã bawara bꞌape wãña mʉ zokꞌadꞌama.

Juan 7:33 Kruisverwysings

Marcos 16:19

Nokꞌo Jesús ma bedꞌeabʉrʉdꞌera Daizezebara ʉ̃taa edesia, aramaʉ̃ne Nokꞌota bꞌaita jewedꞌasia Daizeze juwua araare.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 13:3

Jesúsbara kꞌawua bꞌasia zhi Zezebara ne jõma izhaa chãbꞌaridꞌata, kꞌawua bꞌasia izhira Daizeze maẽba zedꞌadꞌeba Daizezema wãĩta.

Juan 13:33

Warrarã, mʉrã marã bawara kꞌobꞌaya aritiaedꞌa. Marãbara mʉrã jʉrʉdꞌaya, mawũãmina judíorãã mʉã jaradꞌa kĩrãkꞌa mʉã marãã jaraya: Mʉ wãĩma marã wã bꞌedꞌa ẽã.

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 14:28

Marãbara ũrĩsidꞌa mʉã marãã mawũãnata: Mʉrã wãpe marãma zeya. Mʉta kʉãgꞌa bꞌebʉrʉ marã sobiadꞌaidꞌe bꞌʉa mʉã jarasi baera mʉrã mʉ Zezema wãĩta, mʉ Zezera zhi zromaneba mʉ audre.

Juan 16:10

Kꞌawuabigaya mʉrã bedꞌea ne ẽã bꞌʉta mʉrã wãĩ baera mʉ Zezema, aramaʉ̃ne marãbara mʉrã wueta ũdudꞌa ẽbaya.

Juan 16:28

Mʉrã mʉ Zeze maẽba zesia naʉ̃ ẽjũãẽna, mʉãrã naʉ̃ ẽjũãrã ãmaẽña, mʉrã wakusa wãña mʉ Zezema.

Juan 16:5

Mawũãmina kꞌõbebʉrʉ mʉrã wãña mʉ zokꞌadꞌama, maʉ̃ta marãnebemabara miõba widꞌi mawũã ẽã: ¿Bʉra sãmaã wãĩpe?

Juan 17:11

Mʉrã ya naʉ̃ ẽjũãne bꞌa ẽã. Mawũãmina ãzhira naʉ̃ ẽjũãne bꞌeaya, maʉ̃ne mʉrã bʉma wãña. Zeze bʉra biata bꞌʉa, bʉa mʉãã diadꞌata bꞌera bʉzhi zareaba akʉ jʉre edarua, aramaʉ̃ne abꞌa bꞌeamarẽã dazhi abꞌaʉ kĩrãkꞌa.

Juan 17:13

Kꞌõbebʉrʉ mʉrã bʉma wãña. Mawũẽ mʉãrã maʉ̃ta jarabʉrʉa wadꞌi naʉ̃ ẽjũãne bꞌʉwedꞌa, aramaʉ̃ne ãzhisidꞌa mʉ kĩrãkꞌa jipadꞌe sobia bꞌeamarẽã.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Juan 9:4

Mʉ zokꞌadꞌaba obi nʉmʉrã mʉãrã oibara wadꞌi ãsapedꞌa nʉmʉ kĩrãkꞌa nʉmʉwedꞌa. Ewarita zeya diamase dogꞌo kĩrãkꞌa miõba Daizezedꞌebema obꞌe ẽãta.