Juan 7:3 - Porciones del Nuevo Testamento

³ Mawũẽ zhi mebẽrãbara Jesúa mawũãsidꞌa: Namaʉ̃bara wãrũã Judea druaedꞌa, maĩnu bʉ pẽwã bꞌebidꞌa ũdudꞌamarẽã bʉa obꞌʉta.

Juan 7:3 Kruisverwysings

Mateo 12:46

Zhãrã kꞌobꞌea Jesús mawũã bedꞌea nʉmʉne, zhi papata zhi mebẽrãta ewaradꞌe kꞌopanʉta izhaa bedꞌea krĩña kꞌopanasia.

Marcos 3:21

Zhi mebẽrãba ũrĩbʉdadꞌera ededꞌaita zesidꞌa kĩrãne bꞌʉ ẽãta jara bꞌeba.

Marcos 3:31

Maʉ̃ẽna zesidꞌa zhi mebẽrãta zhi papata, mobe ewaradꞌe kꞌopanepe trʉ̃ne zokꞌasidꞌa.

Lucas 8:19

Zhi papata, zhi mebẽrãta Jesúsma zesidꞌa, mawũãmina izhi bꞌʉidꞌura wã bꞌedꞌa ẽbasia kꞌabanaba.

Lucas 8:20

Maʉ̃ne jara mawũãsidꞌa: Bʉ papata bʉ mebẽrãta ewaradꞌe kꞌopanʉã, bʉta ũdu krĩña panʉã.

Juan 2:2

Mawũã iabꞌa juwua jidabʉrʉdꞌera trʉ̃sidꞌa Jesústa izha jʉrʉkuadꞌa bawara.

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 6:66

Mamaʉ̃ba ʉ̃taara izhi pẽwã bꞌebara bioba izhira kenabꞌarisidꞌa, mawũẽ ya izhi bawara erjirana ẽbasia.

Juan 7:10

Zhi mebẽrã wãrĩzekuadꞌa tẽãne izhisidꞌa wãrĩzesia fiestaidꞌu, mawũãmina jõmaʉ̃ daidꞌu wã ẽbasia, awuarabʉrʉ wãsia chupea.

Juan 7:4

Iabꞌaʉba izhita ũdukꞌawabiga krĩña bꞌʉbara kꞌãrẽ chupea o ẽã. Mawũẽ bʉara kꞌãwũã kꞌãrẽ onʉmaẽrã jõmaʉ̃ daidꞌu kꞌãrẽ odua.

Juan 7:5

Mawũãsidꞌa miã zhi mebẽrãbidꞌa izhidꞌebema ĩjãna ẽãba.

Hechos 2:14

Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata.