Juan 6:60 - Porciones del Nuevo Testamento

⁶⁰ Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 6:60 Kruisverwysings

Mateo 11:6

Sobia bꞌaya mʉnebemata ĩjã ẽã nʉmʉ ẽãrã.

Juan 2:2

Mawũã iabꞌa juwua jidabʉrʉdꞌera trʉ̃sidꞌa Jesústa izha jʉrʉkuadꞌa bawara.

Juan 5:25

Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Juan 6:52

Mawũãĩ judíorã ãzhirãĩnu bĩ ẽã mawũãsidꞌa: ¿Naʉ̃bara sãwũã mawũã dazhirãã kꞌobigaipe izhi zharata?

Juan 6:64

Mawũãmina marã ʉ̃kʉrʉbara ĩjãna ẽã. Jesúsbara mawũã jarasia jẽde wedꞌauba kꞌawua bꞌasi baera kꞌairãba ĩjãna ẽãta, aramaʉ̃ne kꞌawua bꞌasia izhira kꞌaiba chãbꞌariita.

Juan 6:66

Mamaʉ̃ba ʉ̃taara izhi pẽwã bꞌebara bioba izhira kenabꞌarisidꞌa, mawũẽ ya izhi bawara erjirana ẽbasia.

Juan 7:3

Mawũẽ zhi mebẽrãbara Jesúa mawũãsidꞌa: Namaʉ̃bara wãrũã Judea druaedꞌa, maĩnu bʉ pẽwã bꞌebidꞌa ũdudꞌamarẽã bʉa obꞌʉta.

Juan 8:31

Mobebʉrʉ Jesúsbara judíorã izhidꞌebema ĩjãbʉdaa mawũãsia: Marãba mʉ bedꞌeata aribꞌae bꞌebʉrʉ wãrĩnu mʉta pẽwã bꞌea.

Juan 8:43

¿Marãbara kꞌãrẽneba sãwũãta kꞌawuadꞌa ẽpe mʉã jara bꞌʉra? Kꞌawua ẽã bꞌea mʉ bedꞌeara ũrĩ krĩña ẽã bꞌeba.