Juan 6:39 - Porciones del Nuevo Testamento

³⁹ Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.

Juan 6:39 Kruisverwysings

Mateo 10:15

Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Juan 17:12

Naʉ̃ ẽjũãne ãzhi bawara bꞌasidꞌera mʉãrã bʉ zareadꞌeba akʉ jʉresia. Bʉa mʉãã diadꞌata bꞌera mʉãrã akʉ jʉresia, aramaʉ̃ne ãzhidꞌebema miõta adua ẽbasia, awuarabʉrʉ zhi aduaitrʉ aduaya. Aramaʉ̃ne maʉ̃ta zhi bꞌʉmata arimaẽ berabꞌariya.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 17:24

Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.

Juan 17:6

Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 17:9

Mʉrã ãzhibari bʉaa zuburia bedꞌeaya. Mʉnebema ẽãta ẽjũãne bꞌebari mawũã zuburia bedꞌea ẽã, awuarabʉrʉ bʉa mʉãã diadꞌata bꞌebari zuburia bedꞌeaya bʉreta bꞌeba.

Juan 18:9

Aramaʉ̃ne arimaẽ berabꞌarisia izha mawũãnata: Zeze, bʉa mʉãã diadꞌata bꞌera adua ẽã miõta.

Juan 5:28

Mʉã maʉ̃ta jarabʉrʉ kꞌarea kꞌawua ẽã krĩcharãũdua, ewarita zeya, maʉ̃ ewadera beudꞌapeadꞌata jou nʉmebara ũrĩnaña mʉ nemirã.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:44

Miõta mʉma ze bꞌe ẽã mʉ Zeze mʉ zokꞌadꞌaba webʉrʉ ẽbʉrʉ. Izha webʉrʉtrʉ beudꞌata mʉãrã piradrʉbiya ewari nʉmʉta jõbʉrʉdꞌera.

Juan 6:54

Mʉ zharata kꞌo bꞌʉbara mʉ wata do bꞌʉbara erubꞌʉa Daizeze ũme bꞌai jõ ẽãrã, mawũẽ beudꞌata mʉã piradrʉbiya ewari nʉmʉta jõbʉrʉdꞌera.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.