Juan 6:2 - Porciones del Nuevo Testamento

² Kꞌabanata izhi kꞌaidꞌu wãsidꞌa ũdudꞌakꞌata ũdu bꞌeta bꞌebiga nʉmʉba kꞌayarãta.

Juan 6:2 Kruisverwysings

Mateo 12:15

Jesúsbara maʉ̃ta kꞌawuape wãsia mamaʉ̃bara, zhãrã bio kꞌaidꞌu wãbʉdata kꞌaya bꞌera bꞌebisia jõma.

Mateo 13:2

Maʉ̃ne zhãrãbara bioba bʉredrʉsidꞌa, mawũẽ izhira jãbadꞌe edꞌa wãpe jewedꞌasia. Aramaʉ̃ne zhãrã jõma ibudꞌe nʉmesia.

Mateo 14:14

Jesús jãbadꞌeba udꞌubꞌaebʉrʉdꞌe kꞌabanata ũdui ãzhi sozuburiape bꞌebikuasia ãzhidꞌebema kꞌaya bꞌeta.

Mateo 8:1

Jesús kꞌatumaneba zebʉrʉdꞌera zhãrã bio kꞌaidꞌu zesidꞌa.

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Marcos 6:33

Mawũãmina wãnata bioba ũdubʉdadꞌera ãzhita kꞌawuasidꞌa, mawũẽ maĩnu bio jẽde wãsidꞌa pʉwʉrʉ tabꞌe maẽba, aramaʉ̃ne jũẽkuasia ãzhi jũẽĩ nawedꞌa, mawũẽ daucha zekuasia Jesús bawara.

Juan 11:47

Mawũẽ sacerdoterã nokꞌorãbara, fariseorãbara, nokꞌorã wagꞌaurãta ãba jʉredꞌape mawũãsidꞌa: ¿Kꞌãrẽta odꞌaipe? Jesúsbara bio onʉmʉã ũdudꞌakꞌata.

Juan 12:18

Maʉ̃ kꞌarea zhãrãbara Jesús kĩrãzhu zesidꞌa, ũrĩsidꞌa baera izha odꞌata maʉ̃ ũdudꞌakꞌata.

Juan 12:37

Jesúsbara ũdudꞌakꞌata ãzhi kĩrãbita okuasiidꞌu ĩjãna ẽbasia izhidꞌebema.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 2:23

Jesús Jerusalénne bꞌʉta, Egiptodꞌeba ẽzoadꞌata krĩcha fiesta obadadꞌe bꞌʉdꞌe, izhidꞌebemata bioba ĩjãsidꞌa ũdudꞌakꞌata bio onʉmʉta ũdubʉdaba.

Juan 20:30

Jesúsbara dewara ũdudꞌakꞌata bio osia izha jʉrʉkuadꞌa daidꞌu, maʉ̃ zhi bꞌʉma ẽã naʉ̃ librodꞌera.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 6:14

Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 6:22

Do jedꞌea õbꞌʉ kĩrãrẽ zhãrã duanenabara nrũẽmane kꞌawuasidꞌa mama jãba abꞌabai bꞌadꞌata, izha jʉrʉkuadꞌa bawara Jesús maʉ̃ jãbadꞌera bꞌari ẽbasia, awuarabʉrʉ maʉ̃rã wãsidꞌa ãzhi dobꞌa.

Juan 6:26

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?