Juan 6:14 - Porciones del Nuevo Testamento

¹⁴ Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 6:14 Kruisverwysings

Mateo 11:3

Widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Juan 1:21

Mawũãĩ widꞌi mawũãsidꞌa: ¿Mobera bʉra kꞌaipe? ¿Bʉra Elíakꞌa? Mawũãnaĩ mawũãsia: Mʉrã maʉ̃ ẽã. Mawũãĩ mawũãsidꞌa: ¿Mobera bʉra Daizezeba bedꞌeata jarabibarita zeita bꞌadꞌakꞌa? Mawũãnaĩ panaʉ̃ mawũãsia: Mʉrã maʉ̃ ẽã.

Juan 11:27

Mawũãĩ izhara mawũãsia: Ããjã Nokꞌó, mʉãrã ĩjã bꞌʉa bʉra zhãrã Ẽdrʉbita Daizeze Warrata zesia naʉ̃ ẽjũãẽna.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 4:19

Mawũãĩ wũẽrãbara mawũãsia: Nokꞌó, mʉma bʉra Daizezeba bedꞌeata jarabibaria.

Juan 4:25

Mawũãĩ wũẽrãbara mawũãsia: Mʉã kꞌawua bꞌʉa zhãrã Ẽdrʉbiira zeita, izhi zebʉrʉdꞌera daia bia jarakꞌaya ne jõma.

Juan 4:42

Maʉ̃nerã wũẽrãã mawũãsidꞌa: Daibara ĩjã kꞌopanʉ ẽã bari bʉa jarabʉrʉdꞌeba, awuarabʉrʉ izhi bedꞌeara jipa daiba ũrĩbʉda, mawũẽ kꞌawuabʉda naʉ̃ wãrĩnu ẽjũãne zhãrã bꞌeta Ẽdrʉbiita.

Juan 6:2

Kꞌabanata izhi kꞌaidꞌu wãsidꞌa ũdudꞌakꞌata ũdu bꞌeta bꞌebiga nʉmʉba kꞌayarãta.

Juan 6:26

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?

Juan 7:40

Kꞌabanata ʉ̃kʉrʉbara maʉ̃ bedꞌeata ũrĩnape mawũãsidꞌa: Naʉ̃ wãrĩnu Daizezeba bedꞌeata jarabibaria.

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.