Juan 5:44 - Porciones del Nuevo Testamento

⁴⁴ ¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Juan 5:44 Kruisverwysings

Mateo 23:5

Awuarabʉrʉ jõma kꞌãrẽ obʉdara obꞌea zhãrãba ũdudꞌamarẽã. Mawũẽ Daizeze bedꞌeata wĩka edꞌa bꞌʉbadata caja zakedꞌera jʉ̃kꞌara audre joubꞌʉa obada, mobe datrudꞌe, juwuadꞌe tãjʉ̃bada, wua ita irabadata audre drasoa obada.

Lucas 19:17

Mawũãĩ izhara mawũãsia: Biga, bʉra nezokꞌa biata bꞌʉa, wĩkata bia obʉrʉba bʉra nokꞌota bꞌaya pʉwʉrʉ diez ʉ̃rʉ̃.

Juan 12:43

Aramaʉ̃ne zhãrãba bia jaraita krĩña bꞌeasia Daizezea bia jarabidꞌai kꞌãñabara.

Juan 17:3

Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 3:20

Bia ẽãta obꞌebara ʉ̃nata bꞌʉra krĩñana ẽã, aramaʉ̃ne ʉ̃nata bꞌʉma zedꞌa ẽã, ãzha obꞌeta kꞌawuadꞌa ẽbamarẽã.

Juan 5:41

Mʉãrã zhãrãba mʉta bia jaradꞌamarẽã nʉmʉ ẽã.

Juan 8:43

¿Marãbara kꞌãrẽneba sãwũãta kꞌawuadꞌa ẽpe mʉã jara bꞌʉra? Kꞌawua ẽã bꞌea mʉ bedꞌeara ũrĩ krĩña ẽã bꞌeba.

Romanos 2:10

Mawũãmina izhima bia nʉmeba bia jaraya adu-a bꞌeabiya biata obꞌera judíorãta judíorã ẽãta.

Romanos 2:29

Awuarabʉrʉ judío arata bꞌʉa soidꞌu bꞌʉta, kꞌakua e kꞌõpe bꞌʉa soidꞌu bꞌʉta, mawũã bꞌʉa Jawurebiadꞌeba soidꞌu bꞌʉta, aramaʉ̃nerã bari ũrãgꞌata kꞌawua bꞌʉdꞌeba mawũã bꞌʉ ẽã. Mawũã soidꞌu bꞌʉra zhãrãbara ibia jaradꞌa ẽã, awuarabʉrʉ ibia jaraya Daizezeba.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.