Juan 5:43 - Porciones del Nuevo Testamento

⁴³ Mʉrã zesia mʉ Zezedꞌeba, maʉ̃ta marãbara mʉrã bia edadꞌa ẽã, awʉrʉta izhikusaudꞌeba zera maʉ̃ marãbara bia edadꞌaya.

Juan 5:43 Kruisverwysings

Mateo 24:24

Nʉmʉne zhãrã sewata zhãrã ẽdrʉbita duaneña, sewata Daizezeba bedꞌeata jarabibaridꞌe duaneña, ũdudꞌakꞌa zromata okuabʉdaba zhãrã sewadꞌaya, sewaita obꞌedꞌara Daizezeba zhi jʉrʉmata bꞌesidꞌa sewadꞌaya.

Mateo 24:5

Nʉmʉne bio sewata mʉneba zebʉdabara mawũãnaña: Mʉrã zhãrã Ẽdrʉbia. Aramaʉ̃ne bio sewadꞌaya.

Juan 10:25

Mawũãnaĩ Jesúsbara panaʉ̃ mawũãsia: Mʉrã maʉ̃ta mʉã marãã jarasimina marãbara ĩjãna ẽã. Mʉ Zezedꞌeba mʉã kꞌãrẽ onʉmʉba jipa kꞌawuabi bꞌʉa mʉrã maʉ̃ta.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Juan 3:16

Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Juan 5:42

Maʉ̃ẽnabema mʉã marã ũdukꞌawua bꞌʉa, marãbara Daizezera kʉãgꞌadꞌa ẽã.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Hechos 21:38

¿Kꞌõbera bʉ ẽka jari Egiptodꞌebema naara naʉ̃ ewade zhãrã bawara zhõ piradrʉpe, drua drudrua tabꞌʉedꞌa cuatro mil jʉre ededꞌara miã beamiãrãta?