Juan 5:15 - Porciones del Nuevo Testamento

¹⁵ Maʉ̃ wãpe judíorãã jarasia izhira Jesúsba bꞌebidꞌata.

Juan 5:15 Kruisverwysings

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Juan 1:19

Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?

Juan 4:29

Ũmakĩrãta akʉdꞌe zeudua, jõma jarabʉrʉa mʉã kꞌãrẽ odꞌata. ¿Kꞌãgʉra zhãrã Ẽdrʉbii ẽka?

Juan 5:10

Mawũẽ judíorãbara mawũã bꞌebʉrʉa mawũãsidꞌa: Idꞌira ẽnaʉ̃bada ewaria, mawũẽ bʉzhi ertõ anʉma bꞌe ẽã.

Juan 5:12

Mawũãĩ widꞌi mawũãsidꞌa: ¿Kꞌaiba bʉaa mawũã bʉzhi ertõ jiraedape tebarua asi?

Juan 5:16

Maʉ̃ kꞌarea judíorã Jesús kꞌaidꞌu jirpanesia beadꞌaita, maʉ̃ta onʉmaẽrã ẽnaʉ̃bada ewade.

Juan 5:18

Mawũãbʉrʉ kꞌarea judíorãbara wuaabʉrʉ bea krĩñasidꞌa, ãzhima aramaʉ̃nerã bari ewari ẽnaʉ̃badadꞌebemata aribꞌae ẽã nʉma ẽbasia, awuarabʉrʉ Daizezesidꞌa zhi Zezeta jarasia, ãzhima aramaʉ̃nerã Daizeze ũme abꞌarikadꞌe nʉmasia.

Juan 9:15

Mawũẽ fariseorãbidꞌa widꞌisidꞌa sãwũã ne ũdu bꞌidꞌata. Mawũẽ izhara mawũãsia: Egorota idꞌoba susua ope mʉ dabʉta pãrĩkua kꞌobꞌʉsia, maʉ̃ta mʉã sʉgʉbʉrʉdꞌera mʉrã ne ũdusia.

Juan 9:25

Mawũãnaĩ izhara panaʉ̃ mawũãsia: Kꞌazhirua omiãbʉrʉ mʉãrã kꞌawua ẽã. Awuarabʉrʉ mʉã kꞌawua bꞌʉra mʉrã daʉbꞌerrea bꞌadꞌata ne ũdu bꞌidꞌa.

Juan 9:30

Mawũãnaĩ maʉ̃bara panaʉ̃ mawũãsia: Sakua mawũã marãbara sãmaʉ̃ba ʉ̃tʉ zedꞌata kꞌawuadꞌa ẽpe, maʉ̃ne mʉrã ne ũdubi bꞌidꞌapʉa.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.