Juan 4:3 - Porciones del Nuevo Testamento

³ Fariseorã bĩ ẽã bꞌeta kꞌawuape Judea druadꞌebara wãbʉrʉta, wakusa wãsia Galilea druaedꞌa.

Juan 4:3 Kruisverwysings

Mateo 10:23

Pʉwʉrʉ abꞌaʉdꞌe marã pẽwã jirpanebʉdadꞌera merũ wãũdua awʉrʉ pʉwʉrʉedꞌa. Mʉã wãrĩnu marãã jaraya, Daizezedꞌebema jara bꞌeta marãbara ma pʉrrʉadꞌa ẽã Israeldꞌe pʉwʉrʉ tabꞌe jõmarã mʉta zei nawedꞌara mʉ Beubari Bape bꞌadꞌata.

Marcos 3:7

Maʉ̃ne Jesús do jedꞌea õbꞌʉidꞌu wãsia izha jʉrʉkuadꞌa bawara, maʉ̃nerã kꞌabana kꞌaidꞌu wãsidꞌa Galilea druadꞌeba, Judea druadꞌeba.

Lucas 17:11

Jesús Jerusalén pʉwʉrʉedꞌa wãta berabꞌarisia Samaria druadꞌe, Galilea druadꞌe.

Juan 1:43

Nrũẽma Jesús Galilea druaedꞌa wãĩta babʉrʉdꞌera, Felipeta ũdupe mawũãsia: Mʉ kꞌaidꞌu bꞌadua.

Juan 10:40

Mobe wakusa wãsia Jordán do kĩrãrẽ, naara Juanba zhãrã buru kꞌoe bꞌadꞌaidꞌu, mobe bꞌesia mama.

Juan 11:54

Maʉ̃ kꞌarea judíorãne edꞌara Jesús ya dajada nimiba ẽbasia, awuarabʉrʉ mamaʉ̃bara wãsia drua drudrua tabꞌʉ kꞌaita, pʉwʉrʉta Efraín abadaidꞌu wãsia, mobe mama bꞌesia izha jʉrʉkuadꞌa bawara.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 3:22

Maʉ̃ tẽã Jesús zesia izha jʉrʉkuadꞌa bawara Judea druaedꞌa, ãzhi bawara mama bꞌasia zhãrã buru kꞌoekua.

Juan 3:32

Mawũẽ ʉ̃tre izha ũdudꞌata izha ũrĩnata jara bꞌʉa, mawũãmina miõba ĩjãna ẽã izha jara bꞌʉra.

Juan 4:47

Maʉ̃ne izha ũrĩsia Jesús zebʉrʉta Judea druadꞌeba Galilea druaedꞌa, mawũẽ izhima zepe zuburia bedꞌeasia zhi warrata bꞌebidꞌe wãmarẽã beubodꞌota.

Juan 7:1

Maʉ̃ tẽã Jesús pʉrrʉasia Galilea druadꞌe, Judea druadꞌera pʉrrʉa krĩña ẽbasia judíorãba beaita jirpanʉba.