Juan 4:22 - Porciones del Nuevo Testamento

²² Marãbara Daizezera ibia jara bꞌeta izhidꞌebema sãwũãta kꞌawuadꞌa ẽã, daibara Daizezera ibia jara bꞌea izhidꞌebema sãwũãta kꞌawua bꞌeta, zhãrã Ẽdrʉbigaira uruba judíorãneba.

Juan 4:22 Kruisverwysings

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Hechos 17:23

Ne zhi zromarãne erubꞌeta akʉkua bʉsidꞌe mʉã ũdusia mongꞌara oma nʉmʉta, maʉ̃ma bedꞌeata bꞌʉ nʉmʉta mawũã bꞌasia: DAIZEZE ŨDUDꞌAKꞌAITABEMA. Ũdudꞌakꞌata marãba mawũã zhi zromane erubꞌeta mʉãrã maʉ̃ta marãã jara bꞌʉa.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Romanos 11:18

Mawũãmina marã audre biarãta krĩcharãũdua olivo zhi u taeta mawũã bꞌʉatukuadꞌa kꞌãñabara. Mawũã krĩchadꞌara budebaudua marãba anʉmʉ ẽãta zhi kꞌarrara, awuarabʉrʉ zhi kꞌarraba anʉmʉã marãta.