Juan 4:14 - Porciones del Nuevo Testamento

¹⁴ Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 4:14 Kruisverwysings

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Mateo 5:6

Sobiaudua Daizezedꞌebema kꞌarea jarra bꞌera, aramaʉ̃ne izha krĩñata oya bꞌera maʉ̃ne nʉmabigaya.

Juan 10:10

Nezrʉgamiã zebaria nezrʉgaita, zhãrã beaita, zhãrã jõbiita. Mawũãmina mʉrã zesia Daizeze ũme bꞌai jõ ẽãta adꞌuba erubꞌeamarẽã.

Juan 11:26

Zokꞌai bꞌeba mʉnebemata ĩjã bꞌera jipa beu ẽã. ¿Maʉ̃ bʉara ĩjãĩka?

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:11

Mawũãĩ wũẽrãbara mawũãsia: Nokꞌó, bʉara kꞌãrẽba jueira ne ẽã, maʉ̃ne posora eidꞌua. ¿Mawũẽ bʉara sãmabemata erubꞌʉ baniã dazhi bꞌabi bꞌʉra?

Juan 4:13

Mawũãĩ Jesúsbara panaʉ̃ mawũãsia: Naʉ̃ baniãta dobʉrʉra wakusa obisiaya.

Juan 4:36

Ne bꞌʉa nʉmʉbara ne jida bꞌʉa, aramaʉ̃ kĩrãkꞌa nʉmʉbara jara bꞌʉa mʉnebemata ĩjãnamarẽã Daizeze ũme bꞌai jõ ẽãnebemata, mawũẽ ne ubarita ne bꞌʉabari ũme sobiabada kĩrãkꞌa bꞌʉa.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:35

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.

Juan 6:58

Mʉta panta ʉ̃treba zedꞌa. Marã zhibarirã bꞌeadꞌaba maná kꞌodꞌapeadꞌa kĩrãkꞌa bꞌʉ ẽã, mawũã kꞌosidꞌamina beukuasia. Pan mʉta kꞌobʉrʉra Daizeze ũme bꞌai jõ ẽã bꞌaya.

Juan 7:37

Fiesta jõbʉrʉ ewarita zhi zroma ewade, Jesús edau nʉmepe nemi jĩgua mawũãsia: Iabꞌa obisia bꞌʉbʉrʉ mʉma zerua, aramaʉ̃ne baniã dorua.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.