Juan 4:10 - Porciones del Nuevo Testamento

¹⁰ Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:10 Kruisverwysings

Lucas 11:13

Marã bia ẽãta bꞌeba mazhi warrarãã ne biata dia kꞌawua bꞌebʉrʉ, ¿marã Zeze ʉ̃trebemabara audrebai Jawurebiata diai ẽka zhi widꞌibʉdaara?

Juan 16:3

Maʉ̃ta odꞌaya ũdukꞌawadꞌa ẽãba mʉ Zezeta miã mʉta.

Juan 17:3

Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 3:16

Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 6:35

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Hechos 9:11

Mawũãĩ Nokꞌobara mawũãsia: Piradrʉpe wãrũã pʉwʉrʉdꞌe o Jipata jarabadaidꞌu. Mobe Juda dedꞌa jʉrʉdua iabꞌa Saulo abadata Tarso pʉwʉrʉdꞌebemata, izhira zhiwidꞌi nʉmʉã.

Romanos 8:32

Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?