Juan 3:5 - Porciones del Nuevo Testamento

⁵ Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.

Juan 3:5 Kruisverwysings

Mateo 18:3

mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Mateo 19:24

Mʉã wakusa marãã jaraya, aguja uriadꞌe camellota audre bia berabꞌari bꞌeya bara bꞌʉta edꞌa wãĩ kꞌãñabara Daizezeta Nokꞌodꞌebemane.

Mateo 21:31

¿Ũmebara sãʉ̃ba osi zhi zezeba krĩñarã? Mawũãĩ ãzhara mawũãsidꞌa: Osia nabemaba. Mawũãnaĩ Jesúsbara mawũãsia: Mʉã wãrĩnu marãã jaraya, rey Romanebemaĩta plata widꞌibadata, wũẽrãrã jõmaʉ̃ne bꞌeta marã kꞌãñabara wãnaña Daizezeta Nokꞌota bꞌʉma.

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Mateo 5:20

Maʉ̃neba mʉã marãã jaraya, ũrãgꞌa Moisédꞌe jarabada kꞌãñabara fariseorã kꞌãñabara Daizezeba jara bꞌʉta marãba audre kĩrãẽpa aribꞌaedꞌa ẽbʉrʉ, Daizezeta Nokꞌodꞌebemata bꞌea ẽã.

Marcos 10:14

Jesúsba maʉ̃ta ũdui bĩ ẽãpe mawũãsia: Wũãwũãrã mʉma idu zebiudua, bueamarãũdua, naʉ̃rãne kĩrãkꞌa izhi krĩcha bꞌetrʉ Daizezeta Nokꞌodꞌebema.

Marcos 16:16

Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Marcos 9:47

Bʉ dabʉba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtabʉrʉkarua. Audre biga Daizezeta Nokꞌota bꞌʉ maẽ edꞌa wãĩta dabʉ abꞌa bꞌʉta, dabʉ ũme bꞌʉta bꞌaribuedꞌai kꞌãñabara tebʉdꞌe.

Lucas 13:24

Pẽwãsu edꞌa wãũdua puerta pẽũsuadꞌe, mʉã marãã jaraya, bio maʉ̃ne edꞌa wã krĩñanaĩmina bꞌedꞌa ẽbaya.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Juan 1:13

Mawũã Daizeze warrarãta duanebi ẽbasia beubari bꞌeba todꞌadꞌeba, awuarabʉrʉ zhi warrarãta duanebisia Daizezeba.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 3:4

Mawũãĩ Nicodemobara mawũãsia: ¿Dazhira zõrãta sãwũã wakusa toipe? ¿Mobera wakusa zhi papa bꞌitaedꞌa wã bꞌeika wakusa toita?

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 8:2

Bꞌai zhiwidꞌita Jawurebiaba Jesucristodꞌeba dia bꞌʉba dazhira kꞌazhiruadꞌeba ẽdrʉbisia aduaita beui badꞌata.