Juan 3:29 - Porciones del Nuevo Testamento

²⁹ Juwua jidaidꞌera wũẽrã zhũmakĩrãba erunʉmʉã, izhi ũme zhi biata kꞌaita bꞌʉra izhi nemita ũrĩ bꞌʉba kꞌãbãẽã sobia bꞌidꞌabaria. Jesúsdꞌebema ũrĩ bꞌʉba aramaʉ̃ kĩrãkꞌa mʉrã kꞌãbãẽã sobia bꞌʉa.

Juan 3:29 Kruisverwysings

Mateo 22:2

Daizezeta Nokꞌota nʉmʉrã reyta bꞌadꞌa kĩrãkꞌa bꞌʉa, maʉ̃bara fiesta osia zhi warra juwua jidayidꞌera.

Mateo 25:1

Daizezeta Nokꞌodꞌebemane bꞌera ãwũẽrãrã diez kĩrãkꞌa berabꞌariya. Maʉ̃rãbara ĩbĩrã ãzhidꞌe jirakua edadꞌape ũmakĩrã juwua jidadꞌe uruta kĩrãzhu wãsidꞌa.

Mateo 9:15

Mawũãnaĩ Jesúsbara mawũãsia: ¿Zhãrã juwua jida nʉmʉne kꞌobꞌera sopuadꞌaidꞌe bꞌʉka zhũmakĩrãta wadꞌi kꞌobꞌʉdꞌera ãzhi bawara? Mawũãmina ewarita zeya zhũmakĩrã ãzhi maẽbara ededꞌaita, maʉ̃nebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Lucas 15:6

Deidꞌu jũẽbʉrʉdꞌera izhi bawara zhibiarãta ãba jʉreya de kꞌaita bꞌe bawara, mobe mawũãña: Mʉ bawara sobiaudua mʉã ũdusi baera mʉ oveja aduadꞌata.

Juan 15:11

Mʉã maʉ̃ta marãã jarabʉrʉa marã mʉ kĩrãkꞌa jipadꞌe sobia bꞌeamarẽã.

Juan 16:24

Wadꞌi marãbara mʉnebara kꞌãrẽ widꞌidꞌa ẽã. Kꞌãrẽ widꞌiudua, mobedꞌeba jidadꞌaya, aramaʉ̃ne marã jipadꞌe sobia bꞌeaya.

Juan 17:13

Kꞌõbebʉrʉ mʉrã bʉma wãña. Mawũẽ mʉãrã maʉ̃ta jarabʉrʉa wadꞌi naʉ̃ ẽjũãne bꞌʉwedꞌa, aramaʉ̃ne ãzhisidꞌa mʉ kĩrãkꞌa jipadꞌe sobia bꞌeamarẽã.

Juan 3:30

Jesúra wuaabʉrʉ zhi zromata bꞌeya, mawũãmina mʉrã zhi zroma ẽãta bꞌeya.