Juan 3:11 - Porciones del Nuevo Testamento

¹¹ Mʉã wãrĩnu bʉaa jaraya, daibara kꞌãrẽ kꞌawua bꞌeta jarabada, kꞌãrẽ ũdudꞌata jarabada, mawũãmina marãbara ĩjãna ẽã daiba jara bꞌera.

Juan 3:11 Kruisverwysings

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 23:37

¡Jerusalén, Jerusalén, marãbara Daizezeba bedꞌeata jarabibarirã bea bꞌea, mongꞌaraba tabꞌari bea bꞌea marãma zokꞌakuabʉrʉra! ¡Mʉã marã biodꞌe ãba jʉre krĩñasia eterreba zhi warrarãta i edre ãba jʉrebari kĩrãkꞌa, mawũãmina marãbara krĩñana ẽbasia!

Lucas 10:22

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Juan 1:11

Izhidꞌerãma zesia, mawũãmina izhidꞌerãbara bia edadꞌa ẽbasia.

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 12:49

Mʉrã bedꞌea nʉmʉ ẽã mʉzhikusauba, awuarabʉrʉ mʉ Zeze mʉ zokꞌadꞌaba jarasia kꞌãrẽ jarai bꞌʉra sãwũã jaraita.

Juan 14:24

Mʉta kʉãgꞌa ẽãbara mʉ bedꞌeara aribꞌae ẽã. Mʉã jara nʉmʉ bedꞌeata ũrĩ bꞌera mʉrẽ ẽã, awuarabʉrʉ mʉ Zeze mʉ zokꞌadꞌadꞌea.

Juan 3:12

Ne udꞌabemata mʉã marãã jarabʉrʉta ĩjãna ẽbʉrʉ, ¿sãwũã ĩjãnaĩpe mʉã marãã jarara ne ʉ̃trebemata?

Juan 3:13

Maʉ̃ kꞌawuaira miõta ʉ̃tre wãrĩzekꞌa, awuarabʉrʉ ʉ̃treba zedꞌaba kꞌawua bꞌʉta mʉ Beubari Bape bꞌʉba kꞌawua bꞌʉa ne ʉ̃trebemarã.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.

Juan 5:43

Mʉrã zesia mʉ Zezedꞌeba, maʉ̃ta marãbara mʉrã bia edadꞌa ẽã, awʉrʉta izhikusaudꞌeba zera maʉ̃ marãbara bia edadꞌaya.

Juan 7:16

Maʉ̃ne Jesúsbara mawũãsia: Ũrãgꞌata mʉã jara bꞌʉra mʉrẽ ẽã, awuarabʉrʉ Daizeze mʉ zokꞌadꞌadꞌea.

Juan 8:14

Mawũãnaĩ Jesúsbara panaʉ̃ mawũãsia: Mʉãrã mʉzhidꞌebemata jara bꞌʉmina mʉã jara bꞌʉra wãrĩnuã, mʉã kꞌawua bꞌʉba mʉ sãmaʉ̃ba zedꞌata, mʉ sãmaã wãĩta. Mawũãmina marãbara kꞌawuadꞌa ẽã mʉ sãmaʉ̃ba zedꞌata miã sãmaã wãĩta.

Juan 8:26

Mʉãrã marãnebema ne bio jara kꞌawua oya, mʉ zokꞌadꞌabara wãrĩnuta jara bꞌʉa, mawũẽ mʉãrã izha jarabʉrʉta ũrĩbʉrʉta jara bꞌʉa ẽjũãne bꞌea.

Juan 8:38

Mʉãrã jara bꞌʉa mʉ Zezeba ũdubidꞌata, waya marãbara obꞌea mazhi zezeba ũrĩbidꞌata.

Hechos 22:18

Maʉ̃nerã mʉã Nokꞌo Jesústa ũdubʉrʉdꞌera mʉãã mawũãsia: Jerusalénnebara ĩñabasia ãĩ wãrũã, namarã ĩjãna ẽbaya bʉa jarabʉrʉra mʉnebemata.