Juan 20:21 - Porciones del Nuevo Testamento

²¹ Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Juan 20:21 Kruisverwysings

Mateo 10:16

Mʉã marã zokꞌabʉrʉa ovejarãta zokꞌabʉrʉ kĩrãkꞌa usa pãta bꞌedꞌe edꞌa. Mawũẽ krĩcha bara bꞌeaudua dãma kĩrãkꞌa, adu-a bꞌeaudua pusirã kĩrãkꞌa.

Mateo 10:40

Iabꞌaʉba marãta bia edabʉrʉra mʉta bia edabʉrʉa, mʉta bia edabʉrʉra bia edabʉrʉa mʉ zokꞌadꞌata.

Lucas 24:36

Maʉ̃nebemane bedꞌea kꞌobꞌedꞌe Jesús ãzhi ẽsadra edau nʉmepe mawũãsia: Marã adu-a bꞌeaudua.

Juan 13:20

Mʉã wãrĩnu marãã jaraya: Mʉã zokꞌabʉrʉta bia edabʉrʉra mʉta bia edabʉrʉa, mʉ Zeze mʉ zokꞌadꞌata bia edabʉrʉa.

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 20:19

Keubʉrʉdꞌe maʉ̃ abꞌaʉ ewadera semana ewartia nabemata domingodꞌera Jesúsba jʉrʉkuadꞌara zhi jʉre ãzhi duanu maẽ puerta serrape duanasia. Judíorã wawiaba mawũã duanune Jesús zepe ãzhi ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 20:22

Mawũãpe ãzhima jãrãpuape mawũãsia: Jidaudua Jawurebiata.

Juan 20:26

Ewari ocho babʉrʉdꞌe Jesúsba jʉrʉkuadꞌara wakusa edꞌa zhi jʉre bꞌedꞌera Tomás ãzhi bawara bꞌasia. Maʉ̃ne puerta serra nʉmʉne Jesús zepe ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Hechos 1:2

Daizezeba ʉ̃taa ededꞌabitabai jarasia. Ʉ̃taa wãĩ nawedꞌa Jawurebiadꞌeba jarakꞌasia izha zokꞌakuaita jʉrʉkuadꞌaba kꞌãrẽ odꞌaita.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.