Juan 20:1 - Porciones del Nuevo Testamento

¹ Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.

Juan 20:1 Kruisverwysings

Mateo 27:56

Maʉ̃rãnebema duanasia María Magdalenata, María dewarabema Jacoboba Joséba ãzhi papata bꞌasia, Zebedeo warrarã papasidꞌa bꞌasia.

Mateo 27:60

Mobe edꞌa tabꞌʉsia izhidꞌe beuwãrã wuagꞌai nʉmʉta zhiwidꞌi maẽ, maʉ̃ izhara peñata zobꞌea kꞌorubidꞌa basia. Edꞌa wãbari maẽ mongꞌara zromaba tapabigape wãsia.

Mateo 27:64

Mawũẽ jaradua peña zobꞌeara akʉdꞌamarẽã ewari ũbeaedꞌa, mobedꞌeba izha jʉrʉkuadꞌata diamase wãnape zrʉgadꞌape zhãrãã mawũãna ẽã: Beudꞌata piradrʉsia. Tẽã mawũã sewata jarabʉdara audre bia ẽbaya naarabema kꞌãñabara.

Mateo 27:66

Mawũãĩ ãzhira wãnape peña zobꞌeara sãwũãna ẽbaidꞌe obʉdata mongꞌara zhi tapa kꞌobꞌʉra kꞌarasidꞌa, mobe soldaorãta duanebisidꞌa akʉdꞌamarẽã.

Mateo 28:1

Sábado ẽnaʉ̃bada ewarita berabꞌaripe semana ewarita nabemata domingota ʉ̃nadrʉbʉrʉdꞌera, María Magdalenata María dewarabemata zesidꞌa Jesús wuagꞌadꞌapeadꞌata akʉdꞌe.

Mateo 28:2

Maʉ̃ne ẽjũãta abꞌaedꞌa uresia, aramaʉ̃ne ángel Daizezedꞌeta ʉ̃treba zepe peña zobꞌea tapa kꞌobꞌʉta mongꞌara ãĩ kꞌobꞌʉpe ʉ̃rʉ̃ jewedꞌasia.

Marcos 15:46

Mawũẽ Josébara burubꞌata edape cruzdꞌebara Jesús ãĩ edape burasia burubꞌaba, mobe edꞌa tabꞌʉsia peñata zobꞌea kꞌorubidꞌa maẽ. Mobe mongꞌara zromaba tapabigasia maʉ̃ zobꞌeadꞌe edꞌa wãbarira.

Marcos 16:9

Jesús beudꞌata diapedꞌa piradrʉbʉrʉra semana ewarita nabemata domingodꞌera naara zhi ũdubisia María Magdalenaa, maʉ̃ wũẽrãnebara jʉrekua bazhia jai siete.

Juan 11:38

Jesús wakusa kꞌãbãẽã sopua zesia Lázaro wuagꞌadꞌapeadꞌa maẽ. Mama zobꞌeata nʉmʉta mongꞌara zromaba tapa nʉmasia.

Juan 11:41

Mobebʉrʉ beudꞌata bꞌʉdꞌapeadꞌa maẽbara mongꞌara ãĩ edasidꞌa. Mawũẽ Jesúsbara ʉ̃taa akʉ mawũãsia: Zeze, mʉã bʉaa zhibia jiya mʉã widꞌidꞌara bʉa ũrĩbʉrʉba.

Juan 19:25

Jesús cruzdꞌe jirabꞌʉ kꞌaita panasia zhi papata, wũẽrã zhi papa mebeata, María Cleofas kĩmata, María Magdalenata.

Juan 20:26

Ewari ocho babʉrʉdꞌe Jesúsba jʉrʉkuadꞌara wakusa edꞌa zhi jʉre bꞌedꞌera Tomás ãzhi bawara bꞌasia. Maʉ̃ne puerta serra nʉmʉne Jesús zepe ẽsadra edau nʉmepe mawũãsia: ¡Kʉa, marã adu-a bꞌeaudua!

Hechos 20:7

Semana ewarita nabemata domingodꞌe Jesúsdꞌebema ĩjã bꞌera ãba tabꞌasia Jesús bebu krĩcha pan pewa kꞌodꞌaita, maʉ̃nerã Pablora nrũẽma wãĩ baraba miã ũrãgꞌa nʉmʉne ewari ẽsadra basia.