Juan 2:9 - Porciones del Nuevo Testamento

⁹ Mawũẽ vino jedꞌekabi nʉmʉbara baniãta vino babʉrʉra do akʉsia sãmaʉ̃ba ʉ̃tʉ zebʉrʉta kꞌawua ẽãta, baniãta ãzha juesidꞌa baera vino jedꞌekabadabʉrʉ kꞌawua kꞌopanasia, aramaʉ̃ne vino jedꞌekabi nʉmʉbara juwua jida nʉmʉta trʉ̃pe,

Juan 2:9 Kruisverwysings

Mateo 27:34

Mama vino oregueata nesoaedꞌa poera diasidꞌa puata nagꞌadrʉmarẽã, mawũãmina do akʉpe Jesúsbara do ẽbasia.

Mateo 9:15

Mawũãnaĩ Jesúsbara mawũãsia: ¿Zhãrã juwua jida nʉmʉne kꞌobꞌera sopuadꞌaidꞌe bꞌʉka zhũmakĩrãta wadꞌi kꞌobꞌʉdꞌera ãzhi bawara? Mawũãmina ewarita zeya zhũmakĩrã ãzhi maẽbara ededꞌaita, maʉ̃nebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Juan 2:8

Mawũẽ Jesúsbara mawũãsia: Kꞌõbebʉrʉ wĩka jue edadꞌape vino jedꞌekabi nʉmʉma edeudua. Mawũãĩ edesidꞌa.

Juan 4:46

Jesús wakusa zesia Caná pʉwʉrʉedꞌa, maʉ̃ pʉwʉrʉra Galilea druadꞌebema, mama baniãta vino babidꞌa basia. Maʉ̃ne Capernaúm pʉwʉrʉdꞌe bꞌasia reyba nokꞌota bꞌʉkꞌãrĩta, maʉ̃ warrata kꞌaya nʉmasia.

Juan 7:17

Daizezeba krĩñata okrĩña bꞌʉbara kꞌawuaya ũrãgꞌara Daizezedꞌeta, o kꞌawuaya mʉrã bedꞌea bꞌʉta mʉzhikusauba.