Juan 2:2 - Porciones del Nuevo Testamento

² Mawũã iabꞌa juwua jidabʉrʉdꞌera trʉ̃sidꞌa Jesústa izha jʉrʉkuadꞌa bawara.

Juan 2:2 Kruisverwysings

Mateo 12:19

Izhira zhõ bꞌia nʉma ẽã, miõba ũrĩna ẽã pʉwʉrʉ odꞌe mawũã bꞌia nʉmʉrã.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Mateo 25:45

Mawũãnaĩ mʉãrã panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ o ẽbadꞌara mʉĩta kꞌãrẽ odꞌa ẽbasia.

Juan 2:12

Maʉ̃ tẽã Capernaúm pʉwʉrʉedꞌa wãsidꞌa izhita, zhi papata, zhi mebẽrãta, izha jʉrʉkuadꞌata. Mobe mama bꞌeasia ewari kꞌakutua.

Juan 2:17

Mobebʉrʉ izha jʉrʉkuadꞌabara bude basidꞌa maʉ̃ẽnabemata zhi bꞌʉmata mawũã bꞌʉta: Mʉã bʉ dera kꞌãbãẽã jiwa bꞌʉa.

Juan 2:22

Maʉ̃neba beudꞌata piradrʉbʉrʉdꞌera izha jʉrʉkuadꞌabara bude basidꞌa maʉ̃ta jaradꞌata, mawũẽ ĩjãsidꞌa maʉ̃ẽnabemata zhi bꞌʉmata, aramaʉ̃ne ĩjãsidꞌa bedꞌeata Jesúsba jaradꞌara.

Juan 2:3

Maʉ̃ne vino jõbʉrʉdꞌe zhi papaba Jesúa mawũãsia: Ya vino ne ẽã duaĩna.

Juan 3:22

Maʉ̃ tẽã Jesús zesia izha jʉrʉkuadꞌa bawara Judea druaedꞌa, ãzhi bawara mama bꞌasia zhãrã buru kꞌoekua.

Juan 4:2

Mawũãsidꞌa Jesúsbara zhãrã buru kꞌoekua nʉmʉ ẽãta, awuarabʉrʉ zhãrã buru kꞌoe duanasia izha jʉrʉkuadꞌabʉrʉ.

Juan 4:33

Mawũãĩ izha jʉrʉkuadꞌabara ãzhirãĩnu mawũãsidꞌa: ¿Iabꞌaʉba zhikota wesi ẽka?

Juan 4:8

Maʉ̃ẽna izha jʉrʉkuadꞌara pʉwʉrʉedꞌa wãsidꞌa kꞌãrẽ kꞌoita edadꞌe.

Juan 6:12

Jãwũã duanebʉdadꞌe izha jʉrʉkuadꞌaa mawũãsia: Adꞌubabʉdata zhi bꞌʉgʉzoamata jʉrepeudua, miã kꞌãrẽta adua ẽbamarẽã.

Juan 6:16

Keubʉrʉdꞌera Jesúsba jʉrʉkuadꞌara zesidꞌa do jedꞌea õbꞌʉidꞌu.

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 6:66

Mamaʉ̃ba ʉ̃taara izhi pẽwã bꞌebara bioba izhira kenabꞌarisidꞌa, mawũẽ ya izhi bawara erjirana ẽbasia.

Juan 6:67

Mawũẽ Jesúsbara izha jʉrʉkuadꞌata docea mawũãsia: ¿Marãsidꞌa wã krĩña panʉka?

Juan 6:70

Mawũãĩ Jesúsbara mawũãsia: Mʉã marã doce jʉrʉkuasia, mawũãmina marãnebema abꞌa ãtõmiãba erunʉmʉã.

Juan 6:71

Mawũã jarabʉrʉbara Juda Iscarioteta jarasia Simón warrata, izhira maʉ̃ba chãbꞌarii baera mawũã jarasia, maʉ̃ docedꞌebema basia.

Juan 6:8

Izha jʉrʉkuadꞌaba abꞌaʉba, Andrés Pedro mebeaba mawũãsia:

Juan 7:3

Mawũẽ zhi mebẽrãbara Jesúa mawũãsidꞌa: Namaʉ̃bara wãrũã Judea druaedꞌa, maĩnu bʉ pẽwã bꞌebidꞌa ũdudꞌamarẽã bʉa obꞌʉta.

Hechos 11:26

Mama año abꞌa zhi jʉre bꞌeasia mebẽrã bawara, aramaʉ̃ne zhãrã bio ũrãgꞌasidꞌa. Maʉ̃nerã Jesúsdꞌebema ĩjã bꞌera zhi trʉ̃gagꞌaita cristorãta trʉ̃gasidꞌa Antioquíadꞌera.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.