Juan 2:16 - Porciones del Nuevo Testamento

¹⁶ Mobe paloma nendobadaa mawũãsia: Ãĩ edeudua naʉ̃ namaʉ̃bara, mʉ Zeze deta kꞌãwũã orãũdua ne nendobada deta.

Juan 2:16 Kruisverwysings

Mateo 21:12

Jesús edꞌa wãsia Daizeze dedꞌa ewara maẽ, mobe jõma ãĩ jʉrekuasia mama ne nendo bꞌeta, ne eda bꞌeta, mesara burekuasia plata kꞌãbiabadadꞌera, buguera burekuasia pusirã nendobadadꞌera.

Mateo 21:13

Mobe mawũãsia: Naʉ̃ẽnabemata zhi bꞌʉmata mawũã bꞌʉa: Mʉ dera zhiwidꞌibadata nʉmʉã adꞌaya. Mawũã bꞌʉdꞌera marãbara nezrʉgamiãrã de babi nʉmʉkꞌãrĩna.

Mateo 22:5

Mawũãmina trʉ̃kuadꞌapeadꞌara wãna ẽãbʉrʉ ʉ̃kʉrʉ wãsidꞌa ãzhi trabajoedꞌa, ʉ̃kʉrʉ ãzha kꞌãrẽ oi bꞌʉta oedꞌa.

Marcos 11:17

Maʉ̃nerã miã ũrãgꞌabʉrʉta mawũãsia: ¿Naʉ̃ẽnabemata zhi bꞌʉmata mawũã bꞌʉ ẽka: Mʉ dera zhiwidꞌibadata nʉmʉã adꞌaita jõmaʉ̃ĩtabemata nʉmaña abꞌʉ ẽka? Mawũã bꞌʉdꞌera marãbara nezrʉgamiãrã de babi nʉmʉkꞌãrĩna. (Isaías 56:7)

Lucas 2:49

Mawũãĩ izhara mawũãsia: ¿Mʉrã kꞌãrẽã jʉrʉ panʉ? ¿Marãbara kꞌawuadꞌa ẽka mʉ Zezedꞌebemane mʉ nʉmaĩ barara?

Juan 10:29

Mʉ Zezera ãzhita mʉãã diadꞌara jõmaʉ̃ audre zhi zroma, mawũẽ miõba jãrĩkua ẽã mʉ Zeze juwuadꞌebara.

Juan 2:15

Mawũẽ lasota bio baratʉ edape Daizeze dedꞌa ewara maẽbara jõma ãĩ jʉrekuasia ãzhi oveja bawara, ãzhi pakꞌa bawara, monedara kuekuasia plata kꞌãbiabadadꞌera, burekuasia mesara.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Juan 5:17

Mawũẽ Jesúsbara mawũãsia: Mʉ Zezera ewariza kꞌãrẽ obꞌʉa, mawũẽ mʉsidꞌa kꞌãrẽ onʉmʉã.

Juan 8:49

Mawũãnaĩ Jesúsbara panaʉ̃ mawũãsia: Mʉrã jaiba erunʉmʉ ẽã. Awuarabʉrʉ mʉãrã wawia bꞌʉa mʉ Zezeta, maʉ̃ne marãbara mʉrã wawiadꞌa ẽã.