Juan 2:11 - Porciones del Nuevo Testamento

¹¹ Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 2:11 Kruisverwysings

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 1:43

Nrũẽma Jesús Galilea druaedꞌa wãĩta babʉrʉdꞌera, Felipeta ũdupe mawũãsia: Mʉ kꞌaidꞌu bꞌadua.

Juan 1:50

Mawũãĩ Jesúsbara mawũãsia: ¿Mʉrã maʉ̃ta bʉara ĩjãbʉrʉka mʉã bʉra higuera bakuru edre bꞌʉta ũdusia abʉrʉdꞌeba? Maʉ̃ kꞌãñabara bʉara kꞌãrẽ audre waibꞌʉata bio ũduya.

Juan 10:41

Maʉ̃nerã bio izhima ze nʉmʉbara mawũã duanasia: Ũdudꞌakꞌara Juanbara o ẽbasia, mawũãmina naʉ̃ Jesúsdꞌebemata Juanba jaradꞌara jõma wãrĩnu basia.

Juan 11:15

Mʉrã marã kꞌarea sobia bꞌʉta mama bꞌa ẽbadꞌaba marãbara mʉnebema audre ĩjãnaña, mawũẽ wãnaña izhima.

Juan 11:47

Mawũẽ sacerdoterã nokꞌorãbara, fariseorãbara, nokꞌorã wagꞌaurãta ãba jʉredꞌape mawũãsidꞌa: ¿Kꞌãrẽta odꞌaipe? Jesúsbara bio onʉmʉã ũdudꞌakꞌata.

Juan 12:18

Maʉ̃ kꞌarea zhãrãbara Jesús kĩrãzhu zesidꞌa, ũrĩsidꞌa baera izha odꞌata maʉ̃ ũdudꞌakꞌata.

Juan 12:37

Jesúsbara ũdudꞌakꞌata ãzhi kĩrãbita okuasiidꞌu ĩjãna ẽbasia izhidꞌebema.

Juan 12:41

Isaíabara maʉ̃ta jarasia kꞌãĩmokꞌaradꞌe kĩrãkꞌa ũdudꞌaba Jesús zhi zromata bꞌaita, mawũẽ jarasia izhidꞌebemata.

Juan 14:13

Jõma kꞌãrẽ mʉ Zezea widꞌibʉdata mʉneba widꞌibʉdara mʉã aribꞌaeya, aramaʉ̃ne mʉ Zezeta zhi zromata ũdukꞌawadꞌamarẽã mʉ zhi Warradꞌeba.

Juan 16:27

Mʉ Zezebara marã kʉãgꞌa bꞌʉa marãba mʉta kʉãgꞌa bꞌe baera, aramaʉ̃ne ĩjã bꞌea mʉrã zesita Daizeze maẽba.

Juan 16:30

Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.

Juan 2:1

Ewari ũbeadꞌe iabꞌa juwua jidabʉrʉdꞌe fiesta osidꞌa Caná pʉwʉrʉdꞌe, maʉ̃ pʉwʉrʉra Galilea druadꞌebema. Mama bꞌasia Jesús papata.

Juan 2:23

Jesús Jerusalénne bꞌʉta, Egiptodꞌeba ẽzoadꞌata krĩcha fiesta obadadꞌe bꞌʉdꞌe, izhidꞌebemata bioba ĩjãsidꞌa ũdudꞌakꞌata bio onʉmʉta ũdubʉdaba.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 4:3

Fariseorã bĩ ẽã bꞌeta kꞌawuape Judea druadꞌebara wãbʉrʉta, wakusa wãsia Galilea druaedꞌa.

Juan 4:46

Jesús wakusa zesia Caná pʉwʉrʉedꞌa, maʉ̃ pʉwʉrʉra Galilea druadꞌebema, mama baniãta vino babidꞌa basia. Maʉ̃ne Capernaúm pʉwʉrʉdꞌe bꞌasia reyba nokꞌota bꞌʉkꞌãrĩta, maʉ̃ warrata kꞌaya nʉmasia.

Juan 4:54

Jesúsbara maʉ̃ta ũdudꞌakꞌata zhi ũmeta osia, Judea druadꞌeba Galilea druaedꞌa wãpe.

Juan 5:23

Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.

Juan 6:14

Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 6:2

Kꞌabanata izhi kꞌaidꞌu wãsidꞌa ũdudꞌakꞌata ũdu bꞌeta bꞌebiga nʉmʉba kꞌayarãta.

Juan 6:26

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?

Juan 7:31

Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.