Juan 18:8 - Porciones del Nuevo Testamento

⁸ Mawũãnaĩ Jesúsbara panaʉ̃ mawũãsia: Mʉã marãã jarabʉrʉa mʉta izhita. Mawũẽ mʉta jʉrʉ panʉbʉrʉ idu wãbiudua mʉã jʉrʉkuadꞌa za kꞌopanʉta.

Juan 18:8 Kruisverwysings

Mateo 26:56

Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 13:36

Pedrobara Jesúa mawũãsia: Nokꞌó, ¿bʉra sãmaã wãĩpe? Mawũãĩ Jesúsbara panaʉ̃ mawũãsia: Mʉ wãĩma kꞌãwũãwedꞌara bʉra mʉ kꞌaidꞌura wã bꞌe ẽã, mawũãmina mʉ kꞌaidꞌu zeya tẽã.

Juan 16:32

Ewarita arabaidꞌebema ya arabasia, mawũẽ marã abꞌa abꞌakꞌa wãẽbadꞌaya mazhi wãbʉrʉma, aramaʉ̃ne mʉrã ãmaẽnaña dobꞌa. Mawũãmina mʉrã dobꞌa bꞌʉ ẽã mʉ Zezeta bꞌʉba mʉ ũme.

Juan 18:7

Jesúsbara wakusa widꞌi mawũãsia: ¿Kꞌaita jʉrʉ panʉ? Mawũãĩ mawũãsidꞌa: Jʉrʉ panʉã Jesús Nazaredꞌebemata.

Juan 18:9

Aramaʉ̃ne arimaẽ berabꞌarisia izha mawũãnata: Zeze, bʉa mʉãã diadꞌata bꞌera adua ẽã miõta.