Juan 18:33 - Porciones del Nuevo Testamento

³³ Pilato wakusa edꞌa wãsia izhita nokꞌota bꞌʉ dedꞌa, mobe Jesús trʉ̃pe mawũãsia: ¿Bʉra Rey judíorãneka?

Juan 18:33 Kruisverwysings

Mateo 27:11

Jesús edau nʉmasia nokꞌo Pilato kĩrãbita, maʉ̃bara widꞌi mawũãsia: ¿Bʉra Rey judíorãneka? Mawũãĩ Jesúsbara mawũãsia: Ara bʉzha jarabʉrʉa.

Mateo 27:27

Mawũẽ soldaorã Pilatodꞌebara Jesús edesidꞌa Pilato dedꞌa soldaorã tabꞌʉidꞌu, mawũẽ Jesús bʉredrʉsidꞌa soldaorã jõmaʉ̃ba.

Marcos 15:2

Mawũẽ Pilatobara widꞌi mawũãsia: ¿Bʉra Rey judíorãneka? Mawũãĩ Jesúsbara panaʉ̃ mawũãsia: Ara bʉzha jarabʉrʉa.

Lucas 23:2

Mobe ji mawũãsidꞌa: Naʉ̃ daibara ũdusidꞌa zhãrãta nokꞌorã bawara kĩrũbiga bꞌʉta. Jara bꞌʉa rey César plata diabadara diadꞌa ẽbaita, jara bꞌʉa izhira zhãrã Ẽdrʉbita Reyta.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 12:13

Mawũẽ pãrãrã kiduata tʉdꞌape kĩrãzhu wãsidꞌa, maʉ̃nerã nemi jĩgua mawũãsidꞌa: ¡Daizezera ibia jaradꞌaya! ¡Ibia jaradꞌaya Daizezedꞌeba zebʉrʉra, izhira Rey Israel bꞌedꞌea! (Salmos 118:25-26)

Juan 12:15

Perarãũdua marã Jerusalénne bꞌera, marã Reyra urua, burro kũrãne ʉ̃rʉ̃ bꞌari urua. (Zacarías 9:9)

Juan 18:34

Mawũãĩ Jesúsbara panaʉ̃ mawũãsia: ¿Bʉzhikusauba mawũãbʉrʉka o mʉnebema awʉrʉba bʉaa mawũãsidꞌa?

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 18:38

Mawũãĩ Pilatobara mawũãsia: ¿Kꞌãrẽpe wãrã? Mawũãpe wakusa wãsia judíorãma, mobe mawũãsia: Mʉma naʉ̃ bedꞌea ne ẽã.

Juan 19:12

Mawũãĩ Pilatobara Jesús ẽna krĩñasia. Mawũãmina judíorãbara nemi jĩgua mawũãsidꞌa: Bʉa naʉ̃ta ẽnarã, César bawara bʉra zhibia ẽã. Iabꞌa izhitrʉ reydꞌe bꞌʉra César rey wagꞌau bawara zhi jura.

Juan 19:3

Mobe mawũãsidꞌa: ¡Kʉa, judíorã Rey! Mobe tachi jirpanesia kĩrãma.

Juan 19:4

Pilato wakusa ãĩ zepe mawũãsia: Akaudua, mʉãrã wakusa ãĩ webʉrʉa kꞌawuadꞌamarẽã mʉma naʉ̃ bedꞌea ne ẽãta.

Juan 19:9

Mawũẽ izhita nokꞌota bꞌʉ dedꞌa wakusa edꞌa wãsia, mobe Jesúa mawũãsia: ¿Bʉra sãmabema? Mawũãmina Jesúsbara panaʉ̃ ẽbasia.