Juan 18:3 - Porciones del Nuevo Testamento

³ Mawũẽ Judabara jʉre edesia soldaorãta, Daizeze de akʉbadata, maʉ̃rã zokꞌasidꞌa sacerdoterã nokꞌorãba, fariseorãba, aramaʉ̃ne mama erbuesia ĩbĩrãẽna, kuchoedꞌa.

Juan 18:3 Kruisverwysings

Mateo 25:1

Daizezeta Nokꞌodꞌebemane bꞌera ãwũẽrãrã diez kĩrãkꞌa berabꞌariya. Maʉ̃rãbara ĩbĩrã ãzhidꞌe jirakua edadꞌape ũmakĩrã juwua jidadꞌe uruta kĩrãzhu wãsidꞌa.

Juan 13:2

Dauja zhiko kꞌobʉdadꞌera ãtõmiãbara Simón warra Juda Iscariotera sodꞌera ya krĩchabisia Jesús chãbꞌaribiita.

Juan 18:12

Mobebʉrʉ soldaorãbara ãzhi nokꞌo bawarauba Daizeze de akʉbadata judíorãne bawarauba Jesús jidadꞌape jʉ̃sidꞌa.

Juan 18:18

Maʉ̃ne nezokꞌarãta Daizeze de akʉbada bawara edau nʉmeãsia tebʉta puadꞌape. Kũrãsãba tebʉ kꞌã nʉmeãsia. Ãzhi bawara Pedrosidꞌa edau nʉmasia tebʉ kꞌã.

Juan 18:22

Jesúsba mawũãĩ Daizeze de akʉbadadꞌebemata abꞌa mama kꞌobꞌʉba kĩrãma tachipe mawũãsia: ¿Bʉara mawũã panaʉ̃bʉrʉka sacerdote wagꞌau bedꞌeara?

Juan 19:6

Jesús ũdubʉdadꞌera sacerdoterã nokꞌorãbara, Daizeze de akʉbadabara nemi jĩgua mawũãsidꞌa: ¡Cruzdꞌe kꞌachibirua! ¡Cruzdꞌe kꞌachibirua! Mawũãnaĩ Pilatobara mawũãsia: Mazhabʉrʉ cruzdꞌe kꞌachiudua. Mʉma naʉ̃ bedꞌea ne ẽã.

Juan 7:32

Fariseorãbara ũrĩsidꞌa zhãrã Jesú ʉ̃rʉ̃ mawũã bedꞌea jirpanʉta, mawũẽ sacerdoterã nokꞌorãbara, fariseorã bawarauba Daizeze de akʉbadata zokꞌasidꞌa jidadꞌamarẽã.

Hechos 1:16

Mebẽrã, zhi bꞌʉmata arimaẽ berabꞌariita bara basia Jawurebiaba rey David idꞌeba jaradꞌata Judadꞌebemata, mawũẽ arimaẽ jʉre edesia Jesús jidadꞌapeadꞌara.

Hechos 10:1

Cesarea pʉwʉrʉdꞌe bꞌasia Cornelio abadata, soldaorã Italiadꞌebema abada nokꞌo basia.