Juan 18:28 - Porciones del Nuevo Testamento

²⁸ Caifás de maẽbara Jesús edesidꞌa nokꞌo dedꞌa soldaorã tabꞌʉidꞌu. Maʉ̃nerã diapedꞌa nʉmasia. Judíorã Jesús ededꞌapeadꞌara maʉ̃ dedꞌara edꞌa wãna ẽbasia. Ãzhima aramaʉ̃nerã Daizeze kĩrãbita mitia ẽãba kꞌo bꞌeidꞌe bꞌasia Egiptodꞌeba ẽzoadꞌata krĩcha kꞌobadara.

Juan 18:28 Kruisverwysings

Mateo 27:27

Mawũẽ soldaorã Pilatodꞌebara Jesús edesidꞌa Pilato dedꞌa soldaorã tabꞌʉidꞌu, mawũẽ Jesús bʉredrʉsidꞌa soldaorã jõmaʉ̃ba.

Marcos 15:16

Mawũẽ soldaorãbara Jesús edꞌa edesidꞌa nokꞌo dedꞌa soldaorã tabꞌʉidꞌu, mawũẽ bʉredrʉsidꞌa soldaorã jõmaʉ̃ba.

Lucas 22:66

Ʉ̃nadrʉbʉrʉdꞌera zhi jʉresidꞌa nokꞌorã pʉwʉrʉdꞌebemata, sacerdoterã nokꞌorãta, ũrãgꞌa Moisédꞌe jarabadata, mobe nokꞌorã wagꞌaurãma ededꞌape mawũãsidꞌa:

Juan 11:55

Kꞌaita bata nʉmasia Egiptodꞌeba ẽzoadꞌata krĩcha fiesta obadata judíorãba, mawũẽ fiesta nawedꞌa bio wãrĩzesidꞌa Jerusalén pʉwʉrʉedꞌa, Daizeze kĩrãbita nene ẽã kꞌobꞌaidꞌebemata odꞌai kꞌarea.

Juan 18:13

Mobebʉrʉ naara edesidꞌa Anás bꞌʉma Caifás zãwũrẽ baera. Caifás sacerdote wagꞌauta bꞌasia maʉ̃ añone.

Juan 18:15

Jesús kꞌaidꞌu wãsidꞌa Simón Pedrota dewarabema Jesúsba jʉrʉdꞌata. Maʉ̃ Jesúsba jʉrʉdꞌara ũdukꞌawua bꞌasia sacerdote wagꞌauba, maʉ̃ta Jesú ũme edꞌa wãsia sacerdote wagꞌau drogꞌoadꞌe.

Juan 18:33

Pilato wakusa edꞌa wãsia izhita nokꞌota bꞌʉ dedꞌa, mobe Jesús trʉ̃pe mawũãsia: ¿Bʉra Rey judíorãneka?

Juan 18:39

Mawũãmina marã zhi kꞌawama cárceldꞌeba mʉã abꞌa ẽdrʉbi bꞌʉta Egiptodꞌeba ẽzoadꞌata krĩcha fiesta obada ewade. ¿Mawũẽ marãbara krĩñadeka mʉã ẽnaĩta Rey judíorãneta?

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Juan 19:14

Maʉ̃nerã aribꞌae jirpanasia Egiptodꞌeba ẽzoadꞌata krĩcha fiesta obadadꞌebemata, maʉ̃nerã ʉ̃matipa nʉmasia. Maʉ̃ne Pilatobara judíorãã mawũãsia: ¡Za bꞌidꞌa mazhi Rey!

Juan 19:9

Mawũẽ izhita nokꞌota bꞌʉ dedꞌa wakusa edꞌa wãsia, mobe Jesúa mawũãsia: ¿Bʉra sãmabema? Mawũãmina Jesúsbara panaʉ̃ ẽbasia.

Hechos 10:28

Mawũẽ mawũãsia: Marãbara kꞌawua bꞌea judíobara sãwũã igarata ãĩbemata orraira, mawũãmina Daizezeba mʉãã ũdubisia miõta jara ẽbamarẽã ne mitiata.

Hechos 10:32

Mawũẽ zhãrãta zokꞌadua Jope pʉwʉrʉedꞌa, aramaʉ̃ne zebirua Simónta, maʉ̃ abꞌaʉta Pedroa, maʉ̃ bꞌʉa Simón abada dedꞌa, ne eta bi-ia obari maẽ bꞌʉa pusa kꞌaita. Maʉ̃ta zebʉrʉdꞌera bʉaa bedꞌeaya.

Hechos 11:3

mawũãsidꞌa: ¿Judío ẽãta kꞌakua eta kꞌõ ẽã bꞌe maẽ bʉra kꞌãrẽã deidꞌu wãpe nekꞌosi ãzhi bawara?

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.