Juan 17:6 - Porciones del Nuevo Testamento

⁶ Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 17:6 Kruisverwysings

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Juan 15:19

Marãta mʉnebema ẽãta ẽjũãne bꞌebʉrʉ, mʉnebema ẽãta ẽjũãne bꞌebara kʉãgꞌa kꞌausidꞌa ãzhirãrã. Mawũãmina marã mʉnebema ẽãta ẽjũãne duanu ẽã, awuarabʉrʉ mʉã marã jʉrʉkuasia mʉnebema ẽãta ẽjũãne bꞌeta. Maʉ̃ba mʉnebema ẽãta ẽjũãne bꞌebara marã juradea.

Juan 15:3

Aramaʉ̃ kĩrãkꞌa marã ya zhi araa omata bꞌea, bedꞌeata mʉã marãã jara nʉmʉba.

Juan 15:7

Mʉ ũme bꞌebʉrʉ, mʉ bedꞌeata aribꞌae bꞌebʉrʉ widꞌiudua jõma mazha krĩñata, mʉã marãã diaya.

Juan 17:12

Naʉ̃ ẽjũãne ãzhi bawara bꞌasidꞌera mʉãrã bʉ zareadꞌeba akʉ jʉresia. Bʉa mʉãã diadꞌata bꞌera mʉãrã akʉ jʉresia, aramaʉ̃ne ãzhidꞌebema miõta adua ẽbasia, awuarabʉrʉ zhi aduaitrʉ aduaya. Aramaʉ̃ne maʉ̃ta zhi bꞌʉmata arimaẽ berabꞌariya.

Juan 17:14

Mʉãrã bʉ bedꞌeara jarakꞌasia, mawũẽ mʉnebema ẽãta ẽjũãne bꞌebara juradea, naʉ̃ ẽjũãnebemata duanu ẽãba mʉta naʉ̃ ẽjũãnebema ẽkĩrãkꞌa.

Juan 17:16

Ãzhira naʉ̃ ẽjũãnebema ẽã mʉta naʉ̃ ẽjũãnebema ẽkĩrãkꞌa.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 17:24

Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 17:7

Idꞌibʉrʉ kꞌawuabʉda jõma kꞌãrẽ bʉa mʉãã diadꞌara bʉ maẽba zedꞌata.

Juan 18:9

Aramaʉ̃ne arimaẽ berabꞌarisia izha mawũãnata: Zeze, bʉa mʉãã diadꞌata bꞌera adua ẽã miõta.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:39

Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Juan 8:52

Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Hechos 13:48

Judíorã ẽãba maʉ̃ta ũrĩnaĩ sobia biga asidꞌa Daizeze bedꞌeara, aramaʉ̃ne jõmaʉ̃ba ĩjãsidꞌa Daizeze ũme bꞌai jõ ẽã bꞌeaita bꞌeadꞌabara.

Romanos 11:2

Daizezebara izhidꞌerã kenabꞌari ẽã, ãzhira na wedꞌauba jʉrʉkuasia. ¿Kꞌawuadꞌa ẽka Elía ʉ̃rʉ̃ bꞌʉ tabꞌʉdꞌe jara bꞌʉra, Daizeze kĩrãbita Israel ʉ̃rʉ̃ bĩ ẽã bedꞌea mawũãsi ẽka?