Juan 17:3 - Porciones del Nuevo Testamento

³ Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 17:3 Kruisverwysings

Marcos 9:37

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Juan 10:36

¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 11:42

Mʉãrã kꞌawua bꞌʉa bʉara mʉ bedꞌeara baridua ũrĩ bꞌʉta, mawũãmina mʉrã mawũã bedꞌeabʉrʉa kꞌabanata za kꞌobꞌe kꞌarea, aramaʉ̃ne ĩjãnamarẽã mʉrã bʉa zokꞌadꞌata.

Juan 14:26

Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Juan 17:18

Bʉa mʉta ẽjũãne bꞌema zokꞌadꞌa kĩrãkꞌa, mʉãbidꞌa zokꞌakuabʉrʉa ẽjũãne bꞌema.

Juan 17:21

Aramaʉ̃nerã jõma abꞌa bꞌeaya. Zeze, mawũãrã bʉta mʉne bꞌʉ kĩrãkꞌa, mʉta bʉdꞌe bꞌʉ kĩrãkꞌa, ãzhisidꞌa dazhi ũme abꞌa bꞌeaya. Aramaʉ̃ne ẽjũãne bꞌebara ĩjãnamarẽã mʉrã bʉa zokꞌadꞌata.

Juan 17:23

Mʉta ãzhidꞌe bꞌʉa, bʉta mʉne bꞌʉa, aramaʉ̃ne jipadꞌe ãba bꞌea. Kꞌãwũãrã ẽjũãne bꞌebara kꞌawuadꞌaya mʉrã bʉa zokꞌadꞌata, kꞌawuadꞌaya mʉnebemata bꞌera bʉara kʉãgꞌata mʉta kʉãgꞌa kĩrãkꞌa.

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 3:34

Daizezeba zokꞌadꞌabara Daizeze bedꞌeata jara bꞌʉa Daizezeba Jawurebiata diadꞌaba.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Juan 6:57

Mʉ Zeze mʉ zokꞌadꞌata bꞌʉ kĩrãkꞌa, mʉrã bꞌʉa mʉ Zezedꞌeba, aramaʉ̃ kĩrãkꞌa mʉta kꞌo bꞌʉra bꞌaya mʉneba.

Juan 7:29

Mawũãmina mʉãrã kꞌawua bꞌʉa mʉrã zesi baera izhi maẽba, mʉrã izha zokꞌasia.

Juan 8:19

Mawũãĩ ãzhara mawũãsidꞌa: ¿Sãma bꞌʉ bʉ Zezera? Mawũãnaĩ Jesúsbara panaʉ̃ mawũãsia: Marãbara mʉrã ũdukꞌawua duanu ẽã, miã mʉ Zezesidꞌa ũdukꞌawua duanu ẽã, mʉta ũdukꞌawua bꞌebʉrʉ mʉ Zezesidꞌa ũdukꞌawua bꞌea.