Juan 17:26 - Porciones del Nuevo Testamento

²⁶ Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 17:26 Kruisverwysings

Juan 14:20

Mawũã ũdubʉda ewadera marãbara kꞌawuadꞌaya mʉrã mʉ Zezedꞌe bꞌʉta, marãta mʉne bꞌeta, mʉta marãne bꞌʉta.

Juan 14:23

Mawũãĩ Jesúsbara panaʉ̃ mawũãsia: Mʉta kʉãgꞌa bꞌʉbara mʉ bedꞌeata aribꞌaeya, mobedꞌeba mʉ Zezebara kʉãgꞌa baya, aramaʉ̃ne daira izhima zedꞌape izhi bawara panaña.

Juan 15:15

Mʉã ya marã mʉ nezokꞌarã a ẽã, nezokꞌabara kꞌawua ẽbaera izhi nokꞌoba kꞌãrẽ obꞌʉra. Awuarabʉrʉ mʉãrã mʉ bawara zhibiarã abꞌʉa, mʉ Zezedꞌeba kꞌãrẽ jõma mʉã ũrĩnarã mʉã marãã kꞌawuabiga bꞌʉba.

Juan 15:4

Mʉ ũme bꞌeaudua, mobedꞌeba mʉrã marãne bꞌʉa. Uva jʉ̃kꞌara izhikusara zau ẽã zhi kꞌarra maẽba nʉmʉ ẽbʉrʉ, aramaʉ̃ kĩrãkꞌa marãbara Daizezeba krĩñarã obꞌedꞌa ẽã mʉ ũme duanu ẽbʉrʉ.

Juan 15:9

Mʉ Zezeba mʉ kʉãgꞌa kĩrãkꞌa, mʉãbidꞌa marã kʉãgꞌa, mawũẽ mʉã kʉãgꞌata bꞌeaudua.

Juan 17:23

Mʉta ãzhidꞌe bꞌʉa, bʉta mʉne bꞌʉa, aramaʉ̃ne jipadꞌe ãba bꞌea. Kꞌãwũãrã ẽjũãne bꞌebara kꞌawuadꞌaya mʉrã bʉa zokꞌadꞌata, kꞌawuadꞌaya mʉnebemata bꞌera bʉara kʉãgꞌata mʉta kʉãgꞌa kĩrãkꞌa.

Juan 17:6

Ẽjũãne bꞌeta bʉa mʉãã diadꞌata bꞌea mʉãrã bʉdꞌebema kꞌawuabiga nʉmʉã, ãzhira bʉre basia, maʉ̃ta bʉa mʉãã dedꞌekasia, ãzhara aribꞌae bꞌea bʉ bedꞌeara.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 6:56

Mʉ zharata kꞌo bꞌʉra mʉ wata do bꞌʉra mʉne bꞌʉa, mʉrã izhidꞌe bꞌʉa.

Juan 8:50

Mʉãrã mʉta bia jaradꞌamarẽã bꞌʉ ẽã, mʉ Zezebʉrʉ mʉrã bia jaradꞌamarẽã bꞌʉa, mawũã bia jaradꞌa ẽbʉrʉ izhabʉrʉ kꞌawua oya.

Romanos 8:10

Mawũãmina Cristota marãne edꞌa bꞌʉbʉrʉ, wãrãnebai kꞌakuara kꞌazhiruata odꞌadꞌeba beuimina jawurera zokꞌai bꞌʉa Daizezeba bedꞌea ne ẽã bꞌʉdꞌaba.