Juan 17:24 - Porciones del Nuevo Testamento

²⁴ Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.

Juan 17:24 Kruisverwysings

Mateo 25:21

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Mateo 25:23

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 26:29

Mʉã marãã jaraya, idꞌidꞌeuba mʉãrã naʉ̃ vino wueta do ẽã, jari ewade marã bawarauba zhiwidꞌita doyeedꞌa mʉ Zezeta Nokꞌo maẽ.

Lucas 12:37

Nezokꞌarã maʉ̃rã sobiadꞌaya ãzhi nokꞌo zebʉrʉdꞌe mawũã jʉ̃ã bꞌeta ũdu zera. Mʉã wãrĩnu marãã jaraya, mawũãrã jewedꞌabigape izhabʉrʉ ne jigaya.

Lucas 23:43

Mawũãĩ Jesúsbara mawũãsia: Mʉã wãrĩnu bʉaa jaraya, idꞌi bʉra mʉ ũme kꞌobꞌaya ʉ̃tre.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Juan 14:3

Mʉrã mawũã wãpe sãma bꞌaita aribꞌaepe mʉrã wakusa zeya marã mʉzhi bawara jʉre edeita, aramaʉ̃ne mʉ bꞌʉ maẽ marãsidꞌa bꞌeamarẽã.

Juan 15:9

Mʉ Zezeba mʉ kʉãgꞌa kĩrãkꞌa, mʉãbidꞌa marã kʉãgꞌa, mawũẽ mʉã kʉãgꞌata bꞌeaudua.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 17:22

Mʉãrã zhi zromata bꞌʉkuasia bʉa mʉta zhi zromata bꞌʉdꞌa kĩrãkꞌa, aramaʉ̃ne abꞌa bꞌeamarẽã dazhi abꞌa panʉ kĩrãkꞌa.

Juan 17:5

Kꞌõbebʉrʉ Zeze, mʉrã bʉ kꞌaita zhi zromata bꞌʉdua, bʉ ũme zhi zromata bꞌadꞌa kĩrãkꞌa ẽjũã nʉmeĩ nawedꞌa.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:39

Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.

Juan 8:58

Mawũãnaĩ Jesúsbara mawũãsia: Mʉã wãrĩnu marãã jaraya: Abraham nawedꞌa mʉrã bꞌʉa.