Juan 17:21 - Porciones del Nuevo Testamento

²¹ Aramaʉ̃nerã jõma abꞌa bꞌeaya. Zeze, mawũãrã bʉta mʉne bꞌʉ kĩrãkꞌa, mʉta bʉdꞌe bꞌʉ kĩrãkꞌa, ãzhisidꞌa dazhi ũme abꞌa bꞌeaya. Aramaʉ̃ne ẽjũãne bꞌebara ĩjãnamarẽã mʉrã bʉa zokꞌadꞌata.

Juan 17:21 Kruisverwysings

Marcos 3:24

Abꞌaʉ druadꞌebemata ãzhirãĩnu zhõ duanerã maʉ̃ druadꞌebema jõña.

Juan 10:16

Mʉã dewara erubꞌʉa ovejarã naʉ̃ kꞌorradꞌebema ẽãta. Maʉ̃rãsidꞌa mʉãrã wei baraba maʉ̃rãbara mʉ bedꞌeara ũrĩnaña. Aramaʉ̃ne ãba duaneña, ãzhi akʉbarira abꞌa bꞌaya.

Juan 10:30

Mʉrã mʉ Zeze ũme abꞌaʉta panʉã.

Juan 10:38

Mawũãmina mʉã onʉmʉbʉrʉ, mʉã jara nʉmʉta ĩjãna ẽãsidꞌa, maʉ̃ mʉã onʉmʉta ĩjãũdua, aramaʉ̃ne kꞌawuadꞌaya mʉ Zezera mʉne bꞌʉta, mʉrã mʉ Zezedꞌe bꞌʉta.

Juan 11:42

Mʉãrã kꞌawua bꞌʉa bʉara mʉ bedꞌeara baridua ũrĩ bꞌʉta, mawũãmina mʉrã mawũã bedꞌeabʉrʉa kꞌabanata za kꞌobꞌe kꞌarea, aramaʉ̃ne ĩjãnamarẽã mʉrã bʉa zokꞌadꞌata.

Juan 13:32

Daizezeba izhira zhi zromata mʉneba ũdukꞌawabigabʉrʉdꞌera, Daizezebara abꞌarika ũdukꞌawabigaya mʉrã zhi zromata, dããrã ẽãne mawũã oya.

Juan 13:35

Mawũãtrʉ jõmaʉ̃ba kꞌawuadꞌaya marã mʉ pẽwã bꞌeta, zhiya kʉãgꞌa bꞌebʉrʉ.

Juan 17:11

Mʉrã ya naʉ̃ ẽjũãne bꞌa ẽã. Mawũãmina ãzhira naʉ̃ ẽjũãne bꞌeaya, maʉ̃ne mʉrã bʉma wãña. Zeze bʉra biata bꞌʉa, bʉa mʉãã diadꞌata bꞌera bʉzhi zareaba akʉ jʉre edarua, aramaʉ̃ne abꞌa bꞌeamarẽã dazhi abꞌaʉ kĩrãkꞌa.

Juan 17:18

Bʉa mʉta ẽjũãne bꞌema zokꞌadꞌa kĩrãkꞌa, mʉãbidꞌa zokꞌakuabʉrʉa ẽjũãne bꞌema.

Juan 17:20

Mʉrã bari naʉ̃rã kꞌarea bʉaa zuburia bedꞌea kꞌobꞌʉ ẽã, awuarabʉrʉ zuburia bedꞌeabʉrʉa mʉnebemata ĩjãnaĩ kꞌareabidꞌa ãzhi bedꞌeadꞌeba.

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 17:3

Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 3:17

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Juan 5:23

Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.

Hechos 2:46

Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia.

Hechos 4:32

Kꞌabanata zhi Jesúsdꞌebema ĩjãnapeadꞌara so abꞌa, krĩcha abꞌa bꞌeasia. Ne erubꞌera miõba naʉ̃ mʉ abꞌaʉdꞌea adꞌa ẽbasia, awuarabʉrʉ ne jõma erubꞌeasia jõmaʉ̃ĩta.

Romanos 12:5

Dazhirãta aramaʉ̃ kĩrãkꞌa bꞌeta biota kꞌakua abꞌa bꞌea Cristodꞌeba, aramaʉ̃ne jõma zhiya abꞌaʉdꞌebemata bꞌea.