Juan 16:7 - Porciones del Nuevo Testamento

⁷ Mawũãmina wãrĩnu mʉã marãã jaraya: Marãĩtara biga mʉrã wãĩta, mʉta wã ẽbʉrʉ Kꞌarebara marãma ze ẽã, mawũãmina mʉta wãrã mʉã marãma zokꞌaya

Juan 16:7 Kruisverwysings

Lucas 24:49

Wãrĩnu mʉã marãma zokꞌaya Jawurebia mʉ Zezeba diaya adꞌata. Mawũãmina Jerusalén pʉwʉrʉdꞌe duanedua zareata jidadꞌayeedꞌa ʉ̃treba zebʉrʉta.

Lucas 4:25

Mʉã wãrĩnu marãã jaraya, Israel druadꞌera wũẽrãrã pẽdrarã bio bꞌeasia Elía bꞌasi ewadera. Maʉ̃nerã año ũbea ẽsadra kue ze ẽãba jarrabata bꞌaesia drua jõmaʉ̃ne.

Lucas 9:27

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya Daizezeta Nokꞌodꞌebemata.

Juan 14:26

Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Juan 14:28

Marãbara ũrĩsidꞌa mʉã marãã mawũãnata: Mʉrã wãpe marãma zeya. Mʉta kʉãgꞌa bꞌebʉrʉ marã sobiadꞌaidꞌe bꞌʉa mʉã jarasi baera mʉrã mʉ Zezema wãĩta, mʉ Zezera zhi zromaneba mʉ audre.

Juan 14:3

Mʉrã mawũã wãpe sãma bꞌaita aribꞌaepe mʉrã wakusa zeya marã mʉzhi bawara jʉre edeita, aramaʉ̃ne mʉ bꞌʉ maẽ marãsidꞌa bꞌeamarẽã.

Juan 15:26

Mawũãmina Kꞌarebata zebʉrʉdꞌera, mʉã maʉ̃ marãma mʉ Zezedꞌeba zokꞌabʉrʉra Jawurebia wãrãnebema, izhira zeya mʉ Zeze maẽba, izha jaraya mʉnebemata.

Juan 16:8

Izhi zebʉrʉdꞌera ẽjũãne bꞌea kꞌawuabigaya kꞌazhiruadꞌe bꞌeta, waya mʉrã bedꞌea ne ẽã bꞌʉta, kꞌawuabigaya zhãrã Daizezebara kꞌawua oita.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 10:34

Mawũãĩ Pedrobara mawũãsia: Mʉãrã wãrãne kꞌawuabʉrʉa Daizezebara zhãrã awuara eda ẽãta.

Hechos 2:33

Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda.

Romanos 8:28

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.