Juan 16:25 - Porciones del Nuevo Testamento

²⁵ Maʉ̃ mʉãrã ne jarakꞌa jarabʉrʉa. Ewarita zeya mʉã jarabʉrʉra ne jarakꞌa jara ẽãta, awuarabʉrʉ marãã jipa jaraya mʉ Zezedꞌebemata.

Juan 16:25 Kruisverwysings

Marcos 4:13

Mawũãpe mawũãsia: ¿Marãbara sãwũãta kꞌawuadꞌa ẽka mʉã mawũã ne jarakꞌabʉrʉra? ¿Sãwũã jõma bia kꞌawuadꞌaipe mʉã ne bio jarakꞌabʉrʉra?

Marcos 4:34

Mawũã ne jarakꞌa ẽãrã bedꞌea ẽbasia, mawũãmina izha jʉrʉkuadꞌaa jõma bia jarakꞌa bꞌasia dobꞌaʉdꞌe.

Marcos 8:32

Maʉ̃ta jarabʉrʉra jipa jarasia. Mawũẽ Pedroba jãpe edepe kẽãsia.

Juan 10:24

Maʉ̃ne judíorãba bʉredrʉdꞌape mawũãsidꞌa: ¿Bʉara daira sõmbeedꞌa bʉdꞌebema bia kꞌawuabiga ẽã erunʉmaĩpe? Bʉta zhãrã Ẽdrʉbibʉrʉ daia jipa jaradua.

Juan 10:6

Jesúsbara mawũã ne jarakꞌasia, mawũãmina ãzhara kꞌawuadꞌa ẽbasia kꞌãrẽta jara krĩñabʉrʉra.

Juan 16:12

Mʉãrã wadꞌi ne bio erubꞌʉa marãã jaraita, mawũãmina aritiara marãbara sãwũãta kꞌawuadꞌa ẽbaya.

Juan 16:2

De zhi jʉrebadata nʉme maẽ marã edꞌa wãbidꞌa ẽbaya, ewarita zeya bariduba marã beabʉrʉdꞌera krĩchaita Daizezeba krĩñata obʉrʉta.

Juan 16:32

Ewarita arabaidꞌebema ya arabasia, mawũẽ marã abꞌa abꞌakꞌa wãẽbadꞌaya mazhi wãbʉrʉma, aramaʉ̃ne mʉrã ãmaẽnaña dobꞌa. Mawũãmina mʉrã dobꞌa bꞌʉ ẽã mʉ Zezeta bꞌʉba mʉ ũme.