Juan 16:22 - Porciones del Nuevo Testamento

²² Aramaʉ̃ kĩrãkꞌa marãsidꞌa kꞌãwũãwedꞌara sopua bꞌea. Mawũãmina mʉã marã wakusa ũdubʉrʉba sobiadꞌaya, mobebaira miõba jãrĩ ẽã marã sobiara.

Juan 16:22 Kruisverwysings

Mateo 28:8

Mawũãĩ ãzhira peña zobꞌeata nʉmʉ maẽbara pera kꞌãbãẽã sobia wãbʉdata, wãẽba wãsidꞌa maʉ̃ta jaradꞌe izha jʉrʉkuadꞌaa.

Lucas 10:42

Mawũãmina Daizeze bedꞌeata ũrĩnaĩ barata bꞌʉa. Maríabara maʉ̃ta biata jidabʉrʉa, mawũẽ miõba ãĩ tʉdꞌa ẽã.

Lucas 16:25

Mawũãĩ Abrahambara mawũãsia: Warra, bʉra bia bꞌadꞌata bude barua, maʉ̃ne Lázaro zuburia bꞌasia. Mawũãmina idꞌira naʉ̃ nama sobia bꞌʉa, maʉ̃ne bʉra zuburia bꞌidꞌa.

Lucas 19:26

Mawũãnaĩ mawũãsia: Mʉã marãã jaraya, zhi erubꞌʉaara edꞌa diaya. Mawũãmina zhi ne ẽãrã wĩka erubꞌʉsidꞌa jãrĩña.

Lucas 24:41

Ãzhara sobiaba wadꞌi ĩjã ẽã kꞌobꞌeba kꞌawua ẽã krĩcha kꞌobꞌedꞌe mawũãsia: ¿Marãbara nama eruduanuka kꞌãrẽ kꞌoira?

Juan 14:1

Sopuarãũdua. Ĩjãũdua Daizezedꞌebemata, ĩjãũdua mʉnebemasidꞌa.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 16:16

Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya mʉrã wãĩ baera mʉ Zezema.

Juan 16:20

Mʉã wãrĩnu marãã jaraya, marã jẽgadꞌaya, sopuadꞌaya, waya mʉnebema ẽãta ẽjũãne bꞌera sobiadꞌaya. Mawũãmina marã sopuadꞌaimina marã sopuara sobia baya.

Juan 16:6

Awuarabʉrʉ mʉã maʉ̃ta marãã jarabʉrʉ kꞌarea marã kꞌãbãẽã sopua kꞌobꞌea.

Juan 21:7

Maʉ̃ne izha jʉrʉdꞌata Jesúsba kʉãgꞌaba Pedroa mawũãsia: ¡Kꞌãʉ̃ Nokꞌoa! Simón Pedroba mawũã Nokꞌota ũrĩbʉrʉdꞌera, wua ãnebꞌari jʉ̃ bꞌʉta wẽãnata jʉ̃pe doidꞌu tẽũsia.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Hechos 13:52

Jesúsdꞌebema ĩjã bꞌera kꞌãbãẽã sobia bꞌeta erunʉmasia Jawurebiaba.

Hechos 16:25

Mawũãmina ewari ẽsadra Pablo Sila ũme zhiwidꞌi panʉta, Daizezea trʉ̃ã panasia. Maʉ̃ta cárceldꞌe bꞌebara ũrĩ nʉmeãsia.

Hechos 2:46

Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.